.png){kind=logo}
Улсын гуравдугаар төв эмнэлэг жил бүрийн гуравдугаар сарын 30-нд тохиодог “Дэлхийн эмч нарын өдөр”-ийг угтан 3 дугаар сарыг байгууллагын хэмжээнд “Эмч мэргэжилтний нэрэмжит сар” болгон зарлаж, эмч мэргэжилтнүүд рүү чиглэсэн олон талт үйл ажиллагааг төлөвлөн зохион байгуулдаг уламжлалтай билээ.
Уламжлалт үйл ажиллагаагаа 2 дугаар сарын 28-наас эхлүүлсэн тус эмнэлэг энэ удаагийн аянаа "Бид ёс зүйтэй эерэг хандлагаар манлайлна’’ уриан дор зохион байгуулж байна.
“Эмч мэргэжилтний нэрэмжит сар”-ын хугацаанд эмнэлгийн өдөр тутмын үйл ажиллагаа, эмнэлзүйн тусламж үйлчилгээнд эмч нэг бүр үүрэг хариуцлага, оролцоо, манлайллаа нэмэгдүүлэх, эмнэлгийн мэргэжилтний ёс зүйн хэм хэмжээ, эерэг харилцаа хандлагыг үг үйлдэл бүртээ анзаарч, сэтгэлд хүрсэн тусламж үйлчилгээг үзүүлж хэвших юм.
Мөн эмнэлзүйн мэдлэг ур чадвараа тасралтгүй хөгжүүлэхэд нь дэмжлэг үзүүлэхээс гадна өдөр тутмын ажил үйлсийг нь олон нийтэд зөв таниулан сурталчилах чиглэлээр зорилтод олон үйл ажиллагааг хэрэгжүүлэх юм байна.
.jpg)
