.png){kind=logo}
Монгол Улсын Засгийн газраас 2023-2025 оныг “Монголд зочлох жил” болгон зарласантай холбогдуулан НЗДТГ, нийслэлийн Аялал жуулчлалын газар, Улаанбаатар хотын Захирагчийн ажлын албаны Хүнс, худалдаа үйлчилгээний хэлтсийн дэмжлэгтэйгээр Монголын ресторан зоогийн газрын холбоо, "БЭХ" Баар Эрхлэгчдийн Холбоотой хамтран "Олон үндэстний хоолны тогооч бэлтгэх" богино хугацааны сургалтын хөтөлбөрийг санаачлан хэрэгжүүлж байна.
Уг сургалт нь аялал жуулчлал, хоол үйлдвэрлэл, үйлчилгээний орчин үеийн чиг хандлагад нийцсэн зах зээлд эрэлттэй, борлуулалт өндөртэй хоолоор цэсээ баяжуулж, олон үндэстнүүдийн өвөрмөц амт бүхий алдартай хоолнуудыг зөв арга, технологиор хийх аргачлалыг эзэмшүүлэх зорилготой юм.
Энэ хүрээнд Тайланд, Хонконг, Узбекстан, Турк, Солонгос, Орос зэрэг улсад зохион байгуулагдсан олон үндэстний хоол бэлтгэх өндөр зэрэглэлийн мэргэжлийн тогооч бэлтгэх онол, дадлага хосолсон мэргэшсэн сургалтад биечлэн хамрагдсан 50 тогооч салбарынхаа 200-250 тогоочид өөрийн эзэмшсэн мэргэшил чадвараа хуваалцах сургалтыг 5 дугаар сарын 14-16-ны өдрүүдэд “Crocus event hall”-д зохион байгуулах гэж буй. Сургалтад ресторан, зоогийн газар, зочид буудал, жуулчны баазуудын тогооч, хоол үйлдвэрлэлийн багш нар хамрагдах боломжтой.
Бүртгүүлэх холбоос: https://docs.google.com/.../1FAIpQLSfJyjGGq8btx8.../viewform
НИЙСЛЭЛИЙН АЯЛАЛ ЖУУЛЧЛАЛЫН ГАЗАР
