.png){kind=logo}
Токио хотноо өнөөдөр /2024.11.10/ эхэлж байгаа мэргэжлийн сумо бөхийн Кюүшюү башёд Монголын 6 бөх хүчээ сорин барилдаж байна.
Харин 73 дахь Их аварга Тэрүнофүжи Г.Ган-Эрдэнэ бэртлийн улмаас энэ башёг өнжлөө. Тэрбээр ийнхүү башёг дараалан өнжиж байгаа юм. Тэрүнофүжи хоёр өвдөг, нурууны бэртлээс гадна өвчний улмаас намрын тойргийн барилдаанд оролцоогүй бөгөөд Фүкүокад очоод байгаа ч бэлтгэл хийгээгүй юм байна.
Энэ башёд Озэки цолтой барилдаж байгаа Оносато, Комүсүби Хирадоүми-тэй учраа тааран барилдаж түүнийг цүкиотоши мэхээр хаяснаар 1 даваатай болоод байна.
Энэ өдөр Сэкивакэ Киришима Б.Лхагвасүрэн, Вакатакакаге /М-2/-тэй учраа тааран барилдаж, түүнд ёрикири мэхээр унаж, энэ башёг унаагаар эхлүүлж байна.
Озэки Хошёорюү С.Бямбасүрэн, Охо /М-2/-той таарч барилдан түүнийг ёрикири мэхээр хаяснаар 1 даваатай башёг үргэлжлүүлж байна.
Хамгийн ахмад сумочдын нэг Тамаваши Б.Мөнх-Оргил /М-11/, Такарафүжи /М-10/-тай таарч барилдан түүнийг окуридаши мэхээр давснаар башёг ялалтаар эхлүүлж байна.
Ошома П.Дэлгэрбаяр /М-4/ Тобизарюү /М-5/-тай таарч барилдан түүнд ошидаши мэхээр унаснаар 1 унаатай болоод байна.
Энэ башёд Макүүчи буюу дээд зиндаанд 2 дахь удаагаа дэвшин барилдаж буй Онокацү Батжаргалын Чойжилсүрэн /М-15/ эхний өдрийн барилдаанд Нишикифүжи /М-14/-тай учраа таарч түүнийг ошидаши мэхээр давснаар башёг даваагаар эхлүүллээ.
Чиёошома /М-14/ энэ өдөр Шонанноүми /М-13/-тэй учраа таарч түүнийг ёрикири мэхээр хаяж 1 даваатай боллоо.
Харин энэ өдөр Озэки Котозакүра, Комүсүби Шодай-тай барилдаж түүнийг цүоиотоши мэхээр хаяснаар 1 даваатай болов.
Сэкиваке Дайэйшёо, Ура /М-2/-тай барилдаж түүнийг цүкидаши мэхээр хаяснаар 3 даваа, 3 унаатай болов. Харин Хирадоүми 4 даваа, 2 унаатай болоод байна.
Комүсүби Вакамотохару Аби /М-3/-тай учраа таарч түүнд окүридаши мэхээр унаснаар башёг унаагаар эхлүүлж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!