Төрийн өмчийн компаниудыг үр ашигтай ажиллуулах тухай хуулийн хэлэлцүүлэг болно

Өнөөдөр буюу 2025 оны 1 дүгээр сарын 7-ны Мягмар /Өлзийт/ гарагт болох зарим үйл явдлыг тоймлон танилцуулж байна.

08:30 цагт МХАҮТ-д: Төрийн өмчийн компаниудыг үр ашигтай ажиллуулах тухай хуулийн хэлэлцүүлэг болно.

11.00 цагт Төрийн ордонд: УИХ-ын Төсвийн байнгын хороо, Боловсрол, соёл, шинжлэх ухаан, спортын Байнгын хорооны хуралдаан тус тус болно.

12.00 цагт Төрийн ордонд: УИХ-ын Аж үйлдвэржилтийн бодлогын Байнгын хорооны хуралдаан болно.

14.00 цагт Төрийн ордонд:: УИХ-ын Төрийн байгуулалтын Байнгын хорооны хуралдаан болно.

14.30 цагт Төрийн ордонд:: УИХ-ын Эдийн засгийн Байнгын хорооны хуралдаан болно.

15.00 цагт: УИХ-ын Байгаль орчин, хүнс, хөдөө аж ахуйн Байнгын хорооны хуралдаан болно.

Төрийн ордонд: УИХ-ын даргын 2024 оны 59, 82, 92 болон 101 дүгээр захирамжаар байгуулсан ажлын хэсгийн хуралдаан тус тус болно.

Цэргийн албаны тухай хууль, Батлан хамгаалахын сайдын тушаал, нийслэлийн Засаг даргын захирамжаар 2025 оны цэргийн бүртгэлийг нийслэлийн хэмжээнд нэгдүгээр сарын 6-22-нд зохион байгуулна.

Нэгдүгээр сарын 25-26-нд болох Нисгэгчгүй нисэх хэрэгсэл жолоодлогын улсын аварга шалгаруулах “Дронокон-2025” тэмцээний бүртгэл энэ сарын 14-нийг хүртэл үргэлжилнэ.

ТЕГ-т: Анх удаа орон сууц худалдан авсан иргэн, дотоод гадаадын их дээд сургуульд суралцаж буй оюутны сургалтын төлбөрийн хөнгөлөлт эдлэх хүсэлтэй иргэдийн материалыг нэгдүгээр сарын 1-нээс хүлээн авч байна.

Энэ сарын 15-ны өдрөөс албан ёсоор улсын дугаарын захиалга авч эхэлнэ. Энэ сарын 14-нийг хүртэлх хугацаанд иргэд, аж ахуйн нэгж, байгууллага тус системтэй танилцаж, өөрийн мэдээллээ шалгаж, нягтлах боломжтой.

Чингис хаан Үндэсний музейн 9 давхрын үзүүллэгийн танхимд: Марко Поло-700 жилийн ойд зориулсан “Марко поло, Хубилай хаан, монголчууд” тусгай үзэсгэлэн энэ сарын 15-ныг хүртэл гарна.

Өвөрхангай аймгийн Арвайхээр суманд: УИХ-ын Тамгын газар, Ёс зүй, дэгийн байнгын хороо, Ёс зүйн хорооноос томилсон ажлын хэсэг энэ сарын 5-7-нд ажиллаж, Ёс зүйн дэд хороодын үйл ажиллагаа, Төрийн албан хаагчийн ёс зүйн тухай хуулийн хэрэгжилттэй танилцана.

Булган аймагт: Өсвөрийн шатарчдын аварга шалгаруулах "Цодгор хүү-2025" тэмцээн энэ сарын 6-7-нд болно.

Завхан аймагт: Өсвөрийн шатарчдын аварга шалгаруулах “Цодгор хүү-2025” тэмцээн энэ сарын 6-7-нд болно.