Нацү башёг Озэки Оносато тэргүүтэй 4 бөх 5 даваатай тэргүүлж байна

Японы Токио хотноо болж буй мэргэжлийн сумо бөхийн Нацү башёгийн өнөөдөр буюу 2025 оны 5 дугаар сарын 15-ны 5 дахь өдрийн барилдаанд Тамашохо Э.Энхманлай /М-17/, Рога /М-14/-тай хүч үзэж түүнд ёрикири мэхээр унаснаар 1 даваа, 4 унаатай башёг үргэлжлүүлж байна.

Энэ өдөр Онокацү Б.Чойжилсүрэн /М-12/, Тобизарюү/М-6/-тэй хүчээ сорин түүнийг ёрикири мэхээр хаяснаар тэд адилхан 3 даваа, 2 унаатай башёг үргэлжлүүлж явна.

Чиёошома Г.Мөнхсайхан /М-5/ энэ өдөр Ура /М-5/-тай таарч барилдан түүнд ёрикири мэхээр унаснаар 5 унаатай боллоо.

Ошома П.Дэлгэрбаяр/М-6/ Ичияамамото-той хүч үзэн барилдаж түүнд ошидаши мэхээр унаснаар 2 даваа, 3 унаатай болоод байна.

Сэкиваке Киришима Б.Лхагвасүрэн, Комүсүби Вакатакакаге-тэй хүч үзэж түүнд кубинаге мэхээр унаснаар башёг 3 даваа, 2 унаатай үргэлжлүүлж байна.

Сэкиваке Дайэйшо энэ өдөр Охо /М-1/-той хүч үзэн барилдаж түүнийг цүкидаши хаяж, 5 даваатай болсон бол Охо 3 даваа, 2 унаатай байна.

Озэки Котозакура, Хирадоүми /М-3/-тай тааран хүчээ сорин барилдаж түүнийг хикиотоши мэхээр хаяж 3 даваа, 2 унаатай боллоо.

Озэки Оносато, энэ өдөр Тамаваши Б.Мөнх-Оргил /М-3/-той хүч үзэж түүнийг ёрикири мэхээр давснаар 5 даваа болж тэргүүллээ хадгалсан бол Тамаваи 2 даваа, 3 унаатай башёг үргэлжлүүлж байна.

Их аварга Хоошёорюү С.Бямбасүрэн энэ өдөр Гонояама /М-2/-тай учраа тааран хүчээ сорьж түүнийг уватэдашинаге мэхээр давж 3 даваа, 2 унаатай үргэлжлүүлж байна.