.png){kind=logo}
Өнөөдөр буюу 2025 оны 9 дүгээр сарын 8-ны Даваа /Саран/ гарагт болох зарим үйл явдлыг тоймлон танилцуулж байна.
Монгол Улсын Ерөнхийлөгч У.Хүрэлсүхийн урилгаар Австралийн Холбооны Улсын Амбан захирагч Саманта Мостин есдүгээр сарын 4-9-нд Монгол Улсад төрийн айлчлал хийж байна.
9:00 цагт МУИС-ийн номын санд: “НОМЫН САН: ӨНӨӨДӨР, МАРГААШ” форумыг уламжлал ёсоор зохион байгуулна. Энэ удаад “АКАДЕМИК НОМЫН САНГИЙН ХӨГЖЛИЙН ЧИГ ХАНДЛАГА” сэдвээр болно. Холбоо барих утас: 9998864, 89039690
19:00 цагт "Норпэй арт" галерейд: Жоэл Пелган "Уусах энхрийлэл" бие даасан үзэсгэлэн гарч эхэлнэ.
Өнөөдөр: НҮБ-ын Боловсрол, Шинжлэх ухаан, Соёлын Байгууллага буюу ЮНЕСКО-оос 1965 онд тунхагласан Бичиг үсгийн олон улсын өдөр тохиож байна.
Үндэсний номын санд: "Соёлын өвд нөлөөлөх гамшиг эрсдэл ба уур амьсгалын өөрчлөлт” хэлэлцүүлгийн зохион байгуулна.
Г.Занабазарын нэрэмжит Дүрслэх урлагийн музейд: Уран бүтээлч Г.Логийразын “Шавраас дижитал хүртэл” үзэсгэлэн гарч байна.
"Б Контемпорари" арт галерейн танхимд: Уран бүтээлч Н.Алтанцэцэгийн “Шивнээ” үзэсгэлэнг дэлгэж байна.
Монголын Урчуудын Эвлэлийн галерейд: Төрийн соёрхолт, Ардын зураач Ү.Ядамсүрэнгийн 120 жилийн ойг угтан “Урлахуйн өв” үзэсгэлэн гарч байна.
"Чингис хаан" үндэсний музейд: Их шүтээн: Эзэн Чингис хаан тусгай үзэсгэлэн гарч байна.
"NM tower"-т: "Хүрээлэн буй Хязгааргүй” уран бүтээлийн үзэсгэлэнг толилуулж байна.
"Алтан намар-2025” төмс хүнсний ногооны өргөтгөсөн худалдааг нийслэлийн есөн дүүрэгт 11 дүгээр сарын 1 хүртэл зохион байгуулна.
Баянхонгор аймагт: Монгол Улсын 2025 оны Шатрын аварга шалгаруулах эрэгтэйчүүдийн 63 дахь, эмэгтэйчүүдийн 55 дахь удаагийн тэмцээн есдүгээр сарын 3-15-нд болж байна.
Их Британийн Ливерпүүл хотноо: Сонирхогчдын боксын ДАШТ-д Монголын тамирчид хүчээ сорьж байна.
БНСУ-ын Гванжу хотноо: Байт харвааны насанд хүрэгчдийн ДАШТ-д манай улсаас үндэсний шигшээ багийн дасгалжуулагч Ж.Нарантуяа, Б.Ганзоригийн удирдлага дор эрэгтэйчүүдийн ангилалд Ж.Гантөгс, Б.Отгонболд, Д.Дашнамжил, эмэгтэйчүүдийн ангилалд Б.Урантунгалаг тус тус өрсөлдөж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!