.png){kind=logo}
Өнөөдөр буюу 2025 оны 10 дугаар сарын 9-ний Пүрэв /Бадрангуй/ гарагт болох зарим үйл явдлыг тоймлон танилцуулж байна.
09:00 цагт "Бишрэлт" зочид буудлын хурлын танхимд: Цахим системийн үйл ажиллагааны загвар, техникийн тодорхойлолтын эхний хувилбарыг улс төрийн нам, төрийн байгууллагын төлөөлөл, иргэний нийгмийн байгууллагуудад танилцуулах, санал авах хэлэлцүүлэг болно.
09:30 цагт “Чингис хаан” үндэсний музейд: Монгол Улсад Гэрэл зургийн алба байгуулагдсаны 90 жилийн ойн баярын хурал болно.
10:00 цагт ШУА-ийн байранд: “Ахисан түвшний судалгааны үр дүн-2025” эрдэм шинжилгээний хурал болно.
10:00 цагт Нээлттэй нийгэм форумын хурлын танхимд: “Засгийн газрын болон нийслэлийн мега төслүүдийн зураглал” танилцуулах уулзалт болно.
10:00 цагт МҮЭСТО-ийн бага танхимд: Монголын эрчим хүч, геологи, уул уурхайн үйлдвэрчний эвлэлийн холбооноос “Ажилтнаа сонсъё” эрчим хүчний салбарын ажилтнуудын улсын II зөвлөгөөнийг зохион байгуулна.
13:00 цагт Налайх дүүргийн “Тавантолгой түлш”-ний үйлдвэрт: Хагас коксжуулсан түлшийг борлуулж эхлэхтэй холбогдуулан НЗДТГ-аас мэдээлэл хийнэ.
14:00 цагт "Глоб Интернэшл" төвд: "Эрх чөлөөт, хамгаалагдсан, аюулгүй сэтгүүл зүй" кино сургалт болно.
16:00 цагт МУЭ-ийн арт галерейд: МУЭ-ийн “Намар” үзэсгэлэнгийн хүрээнд зохион байгуулж буй "Үгсийн өрөг урлаг" найрагтай өдөрлөг болно.
Кино урлагийн зөвлөл, Монголын Урлагийн зөвлөл хамтран 2025 оны “Улаанбаатар” олон улсын кино наадмын хүрээнд “Монгол кино төслүүд” уралдаан зохион байгуулна.
Төрийн ордонд: Нийт шүүгчийн III чуулган болно.
Намрын мод тарих өдрүүд энэ сарын 26-ныг хүртэл үргэлжилнэ.
Бий Контемпорари арт галерейн 5 жилийн ойн “40 GHz” үзэсгэлэн олны хүртээл болж байна.
МУЭ-ийн гишүүн уран бүтээлчдийн "Намар" уламжлалт үзэсгэлэнг толилуулж байна.
Монгол Улсын Ерөнхийлөгчийн Тамгын газар, Экологийн цагдаагийн алба, Мод үржүүлгийн чиглэлээр үйл ажиллагаа явуулж буй төрийн болон төрийн бус байгууллага, иргэдийн дэмжлэгтэй “Алтан намар-Тарьсан модоо арчилцгаая” мэдээлэл нөлөөллийн аян улсын хэмжээнд үргэлжилнэ.
Нийгмийн даатгалын ерөнхий газраас зохион байгуулж буй “Итгэлцлийн аян” энэ сарын 15-ныг хүртэл үргэлжилнэ.
-ХХААХҮЯ-наас улсын хэмжээнд “Импортын хүнсний худалдаа-хяналт” аяныг 11 дүгээр сарын 1-нийг хүртэл үргэлжилнэ.
"Соёлын орон зай-Бидний орчин" аян 11 дүгээр сарын 3-ныг хүртэл улс орон даяар үргэлжилнэ.
2025 оны Өвлийн элсэлтийн шалгалтын бүртгэл 11 дүгээр сарын 14-нд хаана.
Хэнтий аймагт: Хариуцлагатай уул уурхай, зүүн бүсийн чуулга уулзалт болно.
Архангай аймагт: Төрийн байгууллагын ажлын зохион байгуулалт, архив, албан хэрэг хөтлөлтийн төв комиссын улсын үзлэг үргэлжилж байна.
Өвөрхангай аймагт: 2025 оны II ээлжийн цэрэг татлага үргэлжилнэ.
Завхан аймагт: “Living in Space” буюу “Сансарт амьдрахуй” агуулгын хүрээнд “Дэлхийн сансрын 7 хоног”-ийг тэмдэглэж байна.
