.png){kind=logo}
Монгол Улсын Ерөнхийлөгчийн ивээл дор хэрэгжиж буй “Нийтийн хөлбөмбөг” төсөл, “Нээлттэй Дорноговь” зорилтот жилийн хүрээнд зохион байгуулагдаж буй Футзалын 21 аймгийн аварга шалгаруулах Үндэсний цомын төлөөх тэмцээн Дорноговь аймгийн Сайншанд хотноо 9 хоног үргэлжилж шилдгүүдээ тодрууллаа.
МХБХ-ноос жил бүр зохион байгуулагддаг тус тэмцээнийг Дорноговь аймагт анх удаа амжилттай зохион байгуулж тэмцээнд нийт 18 аймгийн шигшээ багууд өрсөлдөж өнөөдөр аварга баг Улаанбаатар хотын аваргуудтай Үндэсний цомын төлөө тоглож өнөөдөр хаалтаа хийлээ.
Тус хаалтын ажиллагаанд АХБХ-ны Дэд Ерөнхийлөгч, МХБХ-ны Ерөнхийлөгч А.Ганбаатар, Дорноговь аймгийн Засаг дарга О.Батжаргал, Дорноговь аймгийн Иргэдийн Төлөөлөгчдийн Хурлын дарга Б.Ганзориг нар оролцож, баг тамирчдад шагналыг гардуулав.
Тус тэмцээнд бусдаасаа манлайлсан шилдэг тоглогчдын танилцуулахад шилдэг хаалгачаар Увс аймгийн Б.Ганбат, довтлогчоор 12 гоол оруулсан Баянхонгор аймгийн Д.Балжинням, тоглогчоор Говьсүмбэр аймгийн Э.Энхмөнх нар тус тус тодорлоо.
Нийт 9 хоногийн турш амжилттай зохион байгуулагдсан Футзалын 21 аймгийн аварга шалгаруулах тэмцээнд амжилттай тоглож шагналт байруудад 4-р байрт Баян-Өлгий аймгийн шигшээ баг, хүрэл медалийг Баянхонгор аймгийн шигшээ баг, мөнгөн медалийг Увс аймгийн шигшээ баг, аваргын алтан медаль цомын эздээр Говьсүмбэр аймгийн шигшээ багууд тодорсон юм.
Мөн Улаанбаатар хотын аварга Хан-Уул дүүргийн шигшээ багтай 21 аймгийн аварга болсон Говьсүмбэр аймгийн шигшээ багууд цор ганц тоглолтоор Үндэсний Цомын төлөө тоглож 8-5 харьцаатайгаар Хан-Уул дүүргийн шигшээ баг хожил байгуулж Футзалын Үндэсний Цомын эзэд болсон юм.
Тэмцээнийг хамтран зохион байгуулсан Дорноговь аймгийн засаг даргын тамгын газар болон, Биеийн тамир спортын газрын хамт олонд гүн талархал илэрхийлье.
Мөн нийт тэмцээнд оролцсон 18 аймгийн шигшээ багуудын тамирчид, багш дасгалжуулагч нарт Дорноговь аймгийн хөл бөмбөгийн холбооноос амжилт хүссэн юм.
