.png){kind=logo}
Ирэх Ням гарагт буюу энэ сарын 9-нд Фүкүокад 2025 оны сүүлийн башё эхлэх гэж байна. Энэ башё хэд хэдэн онцлогтой. Юуны өмнө ёкозүна Ооносато Кюүшюүд заавал түрүүлж, нэг жилд 4 түрүү авах зорилготой гэдгээ зарлаад байгаа.
Япон бөх хамгийн сүүлд нэг жилд 4 түрүүлсэн нь 1996 оны Таканохана аварга ажээ. Монгол аварга Хоошёорюүгийн хувьд аварга цолтой анхны түрүүгээ авах гол даалгавартай. Лондон башёд түрүүлсэн тул энэ удаад жинхэнэ башёд түрүүлэхэд гол өрсөлдөгч нь Ооносато. Озэки Котозакүра 50 хувийн амжилтаа үзүүлээд Намрын тэмцээний голоос гарсан. Гэмтэл нь эдгэрээгүй тул Лондонд очоогүй. Энэ удаад бүрэн эдгэрээгүй хэвээр барилдах болж байна. Нэг тэмцээн өнжвөл ирэх онд кадобан болох тул ямар ч гэсэн 8 давах үүрэгтэй орж байна.
Бас нэгэн онцлох зүйл бол Украины сэкивакэ Аонишики. Сүмо холбооноос албан ёсоор озэки цолны болзол хэлээгүй ч 12 давж, эсвэл түрүүлэхэд озэки болох нь бараг гарцаагүй биз ээ. Котозакүра гэмтэлтэй байгаа энэ үед хоёр дахь озэки ус, агаар мэт хэрэгтэй байгаа. Санякү дээр 3 башёд 33 давах, эсвэл дараалан түрүүлэх, үзүүрлэхэд озэки цол өгөх дүрэмтэй. Аонишики сүүлийн 3 башёд дандаа 11 давж байгаа ч Нагояд маэгаширагийн нэгт бичигдсэн байсан. Харин тэрээр хэдийнэ судлагдаад эхэлсэн байгаа.
Японы сүмо бөхийн холбооноос эхний хоёр өдрийн оноолтыг зарлалаа. Маэгашира Мэйсэй гэмтлийн улмаас барилдахгүй болжээ.
Эхний өдөр: ёкозүна Ооносато - комүсүби Такаясү, ёкозүна Хоошёорюү - Хакүохо, озэки Котозакүра - Вакатакакагэ, сэкивакэ Аонишики –Киришима, сэкивакэ Оохо –Вакамотохарү, комүсүби Таканошёо –Хирадоүми, Үра - Тамаваши, Оошёома – Ёшинофүжи, Шёодай - Атамифүжи, Оонокацү - Чюраноүми, Аби - Ичиямамото, Кимбозан - Мидорифүжи, Тобизарү - Котошёохо, Шиши - Дайэшёо, Роога - Фүжинокава, Гоонояма - Томоказэ, Митакэүми - Рюүдэн, Токихаятэ - Нишикифүжи, Шёнанноүми - Оошёоүми, Саданоүми - Чиёошёома, Асакорюү - Хитоши.
Хоёр дахь өдөр: Ооносато - Хакүохо, Хоошёорюү - Таканошёо, Котозакүра - Киришима, Аонишики - Вакамотохарү, Оохо - Вакатакакагэ, Такаясү - Хирадоүми, Үра - Оошёома, Тамаваши - Ёшинофүжи, Шёодай - Оонокацү, Атамифүжи - Чюраноүми, Кимбозан - Аби, Ичиямамото - Мидорифүжи, Шиши - Тобизарү, Дайэйшёо - Котошёохо, Роога - Томоказэ, Фүжинокава - Гоонояма, Митакэүми - Токихаятэ, Рюүдэн - Нишикифүжи, Шёнанноүми - Саданоүми, Оошёоүми - Асакорюү, Чиёшёома - Фүжисэйүн.
Эх сурвалж: М.Сугар-Эрдэнэ /Ub.Life/
