Өнөөдөр: COP17-Залуучуудын загвар хуралдааны нээлтийн үйл ажиллагаа болно

Өнөөдөр буюу 2026 оны 3 дугаар сарын 4-ний Лхагва /Үлэмж/ гарагт болох зарим үйл явдлыг тоймлон танилцуулж байна.
Гадаад харилцааны сайд Б.Батцэцэг Норвегийн Хаант Улсын Гадаад хэргийн сайд Эспен Барт Эйдегийн урилгаар тус улсад албан ёсны айлчлал хийнэ.

08:00 цагт Төрийн ордонд: Засгийн газрын ээлжит хуралдаан болно.

09:00 цагт НОБГ-ын сургалтын танхимд: Ашигт малтмал, газрын тосны газар болон Нийслэлийн Онцгой байдлын газар хамтран зохион байгуулж буй Хийн аюулгүй ажиллагааны “Gas safety 2026” сургалтын нээлт болно.

09:30 цагт МУИС-ийн I байранд: COP17-Залуучуудын загвар хуралдааны нээлтийн үйл ажиллагаа болно.

14:00 цагт "M Bank Arena"-д: Монголын оюутны сагсан бөмбөгийн холбооны “Оюутны лиг-Бүх одод” тэмцээн болно.

Өнөөдөр: Дэлхийн инженерүүдийн өдөр тохиож байна.

“Музейн нээлттэй өдрүүд” -ийг энэ сарын 7-ныг хүртэл зохион байгуулна.

Хөрөнгө оруулагчдын эрх ашгийг хамгаалах төвд: МҮХАҮТ-ын “Нээлттэй өдрүүд" энэ сарын 4 дуустал болно.

Цэнгэг усны нөөц, байгаль хамгаалах төвд: Мазаалай баавгайг хамгаалах өдрийг тохиолдуулан танин мэдэхүйн нээлттэй өдөрлөгийг энэ сарын 6-ныг хүртэл зохион байгуулна.

“Оюутан цэрэг” сургалтын бүртгэл энэ сарын 10-ныг хүртэл үргэлжилнэ.

“Мөнгөн мод 2025” наадмын материалыг энэ сарын 10-ныг хүртэл хүлээн авна.

Төв цэнгэлдэх хүрээлэнд: "Мөрөөдлийн мөсөн цэнгэлдэх-2025” энэ сарын 10-ныг хүртэл үргэлжилнэ.

-"Хаан" галерей 2026-2027 оны үзэсгэлэнгийн сонгон шалгаруулалтын материалыг энэ сарын 30-ныг хүртэл хүлээн авна.

МУЭ-ийн арт галерейд: Уран бүтээлч Я.Бат-Ирээдүй “Бийрийн салхи” бие даасан үзэсгэлэн энэ сарын 5-ныг хүртэл гарна.

“Hue art gallery”-д: МУЭ-ийн гишүүн зураач МУСТА Л.Даваанямын “Хүн цэцэг” бие даасан үзэсгэлэн энэ сарын 14-ныг хүртэл гарна.

Монголын Үндэсний музейд: “Монгол төрийн мэргэн сайд Агданбуугийн Амар-140 жил” үзэсгэлэн энэ сарын 15-ныг хүртэл олон нийтэд хүрнэ.

Богд хааны ордон музейд: “Нэг өдрийн цагаан дара эх” үзэсгэлэн энэ сарын 16-ныг хүртэл гарна.

Сэлэнгэ аймагт: “Ээжийн чанасан цай” үйл ажиллагааг зохион байгуулна.

Хөвсгөл аймгийн Хатгал тосгонд: “Хөх сувд-2026” олон улсын мөсний баяр болж байна.

ХБНГУ-ын Берлин хот дахь Messe Berlin үзэсгэлэнгийн танхимд: Дэлхийн аялал жуулчлалын салбарын тэргүүлэгч үзэсгэлэн “ITB Berlin” 60 дахь удаагаа болж байна.

Италийн Турин хотын Дорно дахины урлагийн музейд: “Занабазар: Тал нутгийн мэлмий” сэдэвт үзэсгэлэнг дөрөвдүгээр сарын 7-ныг хүртэл олон нийтэд толилуулна.