Өнөөдөр: Макро эдийн засгийн үндсэн үзүүлэлт, төлөв байдлын таамаглалын талаар хэвлэлийн хурал болно

Өнөөдөр буюу 2026 оны 3 дугаар сарын 13-ны Баасан /Гэгээн/ гарагт болох зарим үйл явдлыг тоймлон танилцуулж байна.

09:30 цагт Хөрөнгө оруулагчийн эрх ашгийг хамгаалах төвд: “Хөрөнгө оруулалт, худалдааны газрын нэрэмжит 7 хоног”-ийн хүрээнд "Худалдаа болон бизнесийн салбар" үйл ажиллагаа болно.

10:00 цагт ШУА-ийн Түүх, угсаатны зүйн хүрээлэнгийн хурлын танхимд: “Монголын үндэсний шагайн харваа: Түүх, соёл, уламжлал, ирээдүй” эрдэм шинжилгээний хурал болно.

11:00 цагт Монгол бөхийн өргөөнд: Сумын цолтон болон залуу бөхчүүдийн ээлжит барилдаан болно.

12:00 цагт Төрийн ордны “Үндсэн хууль” танхимд: Төсвийн тогтвортой байдлын зөвлөлөөс макро эдийн засгийн үндсэн үзүүлэлт, төлөв байдлын таамаглалын талаар хэвлэлийн хурал хийнэ.

12:00 цагт "Зууны мэдээ" сонины Үндэсний мэдээллийн төвд: “Бид өвлөн дуулна” ардын богино дуу дуулаачдын өсвөрийн олон улсын анхдугаар уралдааныг зохион байгуулж буй талаар мэдээлнэ.

12:30 цагт "Зууны мэдээ" сонины Үндэсний мэдээллийн төвд: Баянзүрх дүүргийн ИТХ дахь Ардчилсан намын бүлэг, Ардчилсан намын төлөөлөгчид болон намын гишүүд БЗД-ийн төсвийн тодотголтой холбоотой асуудлаар мэдээлнэ.

“Tourism week-2026” үндэсний чуулганы хүрээнд аялал жуулчлалын ажлын байр, бизнес хамтын ажиллагааны өдөрлөг болно.

"Өнө мөнхийн Монгол" байгаль хамгааллын байнгын санхүүжилтийн хөтөлбөрийн хүрээнд “Тусгай хамгаалалттай газар нутгийн хурдасгуур” хөтөлбөрийг зарлаж, уулзалтыг энэ сарын 13-ны өдөр цахимаар зохион байгуулна.

"Хаан" галерей 2026-2027 оны үзэсгэлэнгийн сонгон шалгаруулалтын материалыг энэ сарын 30-ныг хүртэл хүлээн авна.

“Норпэй арт галерей”-д: Уран бүтээлч Б. Мартын анхны бие даасан "8-ны цэцэгс" үзэсгэлэн энэ сарын 13-ныг хүртэл гарна.

“Hue art gallery”-д: МУЭ-ийн гишүүн зураач МУСТА Л.Даваанямын “Хүн цэцэг” бие даасан үзэсгэлэн энэ сарын 14-нийг хүртэл гарна.

Монголын Үндэсний музейд: “Монгол төрийн мэргэн сайд Агданбуугийн Амар-140 жил” үзэсгэлэн энэ сарын 15-ныг хүртэл олон нийтэд хүрнэ.

Монгол арт галерейд: Төрийн шагналт, МУЭ-ийн нэрэмжит шагналт зураач Ц.Цэгмэдийн “Үлэмжийн чанар” уран бүтээлийн үзэсгэлэн энэ сарын 16-ныг хүртэл гарна.

МУЭ-ийн “Арт галерей”-д: “Бүхэл” эмэгтэй уран бүтээлчдийн хамтарсан үзэсгэлэнэнэ сарын 16-ныг хүртэл гарна.

Богд хааны ордон музейд: “Нэг өдрийн Цагаан дара эх” үзэсгэлэн энэ сарын 16-ныг хүртэл гарна.

Япон улсын Токио хотноо: хоол хүнс, ундааны олон улсын "Foodex Japan 2026" үзэсгэлэнг энэ сарын 13-ныг хүртэл зохион байгуулна.

Хятадын нийслэл Бээжин хотноо: Ухаалаг хот төлөвлөлт, нийтийн тээврийн асуудлаарх “SCEPT 2026” олон улсын бага хурал болно.

Испанийн Саламанка хотноо: кибер аюулгүй байдал, хиймэл оюун, дижитал эдийн засгийн асуудлаарх “CSAIDE 2026” олон улсын бага хурал болно.

Италийн Турин хотын Дорно дахины урлагийн музейд: “Занабазар: Тал нутгийн мэлмий” сэдэвт үзэсгэлэнг дөрөвдүгээр сарын 7-ныг хүртэл олон нийтэд толилуулна.