.png){kind=logo}
БОАЖЯ-ны төлөөлөгчид Токио хотноо Япон Улсын Газар, дэд бүтэц, зам тээвэр, аялал жуулчлалын яам/ГДБЗТАЖЯ/-нд зочилж Монгол Улсын Засгийн газраас 2023, 2024, 2025 оныг “Монголд зочлох жил” болгон зарласантай холбогдуулан гадаадын жуулчдыг татах, жуулчдын тоог нэмэгдүүлэх талаар санал солилцжээ.
Монголын талаас Байгаль орчин, аялал жуулчлалын сайдын зөвлөх О.Одбаяр, Аялал жуулчлалын бодлого зохицуулалтын газрын мэргэжилтэн П.Баярцэцэг, Токио дахь Элчин сайдын яамны Эдийн засгийн асуудал хариуцсан зөвлөх Ө.Мөнхбат нар Японы талаас ГДБЗТАЖЯ-ны Аялал жуулчлалын агентлагийн захирал Широтори Цүнашигэ, Японы Үндэсний аялал жуулчлалын байгууллагын захирал Ёшинори Хашимото, Гүйцэтгэх захирал Масаки Ойта, Зүүн Ази хариуцсан менежер Рёожи Асо болон Японы Олон улсын хамтын ажиллагааны байгууллага (JICA)-ын Эдийн засгийн хөгжлийн газрын мэргэжилтэн Осүми Мааса нартай 2023 оны 1 дүгээр сарын 31-ний өдөр Токио дахь тус яаманд албан уулзалт хийэээ.
Энэхүү уулзалтын үр дүнд Монгол орны зах зээлд япон жуулчдад нийцсэн аяллын шинэ бүтээгдэхүүн үйлчилгээг бий болгох, Японы стандарт үйлчилгээг бий болгох, Монгол-Японы аялал жуулчлалын бизнес форумыг хамтран зохион байгуулахаар болов. Мөн Монголын аялал жуулчлалын улирлыг уртасгаж өвлийн аялал жуулчлалыг хөгжүүлэх, япон жуулчдын тоог нэмэгдүүлэх, аялал жуулчлалын дэд бүтцийн асуудлаар харилцан санал солилцсон байна.
