.png){kind=logo}
Грек улсын Родес хотноо 2023 оны 4 дүгээр сарын 13-23 өдрүүдэд сурагчдын 2023 оны дэлхийн аварга шалгаруулах тэмцээнийг зохион байгуулж байна.
Тэмцээнд дэлхийн 53 орны 519 тамирчин 7 насны 14 ангилалд бүтээлч сэтгэлгээ, тэсвэр тэвчээр, оюуны цар, дасгалжуулагчдын ур чадвараараа өрсөлдөж байна.
Монгол улсаас өсвөрийн 30 тамирчин, дасгалжуулагч, багийн ахлагч,эцэг эх асран хамгаалагч 25, нийт 55 хүний өргөн бүрэлдэхүүнтэй энэ удаагийн дэлхийн аварга шалгаруулах тэмцээнд оролцож байна.
Тэмцээний багийн ахлагчаар дэлхийн шатрын холбооны шүүгч Э.Номин томилогдсон бол Монголын шатрын холбооны ерөнхийлөгч Э.Гурванбаатар Грекийн Родес хотноо хүрэлцэн ирээд байна. Мөн 5 дасгалжуулагч тамирчдаа бэлтгэн энэхүү тэмцээний арын албанд ажиллаж байгаа юм.
