Өнөөдөр “Нийгмийн даатгалын багц хуулийн төслийг танилцуулах санал авах цахим, танхим хосолсон уулзалт” болно

Өнөөдөр буюу 2 дугаар сарын 7-ны өдөр болох үйл явдлын талаар зарим мэдээллийг та бүхэнд тоймлон хүргэж байна.

08:30 цагт: ШАНГРИ-ЛА зочид буудалд - Монгол Улсын тогтвортой ногоон хөгжлийг дэмжих Европын Холбооны үйл ажиллагааны хүрээг тодорхойлох Дээд түвшний зөвлөгөөн болно. Утас: 99630057

09:00 цагт: Төрийн ордонд - Хөгжлийн банкны “Нотлох баримтыг шинжлэн судлах” сонсгол үргэлжилнэ. /МҮОНРТ шууд дамжуулна/

09:00 цагт: МУИС-ийн байранд - "Эрүүл, аюулгүй орчинд амьдрах хүний эрх: Агаарын бохирдол, шинжлэх ухааны нотолгоо, шийдэл" эрдэм шинжилгээ, технологийн хурал болно.

09:30 цагт: ПУМА зочид буудалд - Газрын багц хуулийн төслүүдэд хийсэн үнэлгээг танилцуулах уулзалт болно. Тус хуулийн төсөлд иргэдийн мэдэх эрх, оролцох эрх, газар зохион байгуулалтын төлөвлөгөөнд санал өгөх, хэрэгжилтийг хянах эрх, орон нутгаа тогтвортой хөгжүүлж, үр шимийг шударгаар хүртэх, газар нутгаа хамгаалах боломж хэрхэн хангагдсаныг иргэний нийгмийн байгууллагуудаас судалж үнэлээд байна. Утас: 99192857, 99194455

10:00 цагт: МҮЭСТО - МҮЭ-ийн холбоо, УИХ-ын Нийгмийн бодлогын байнгын хороотой хамтран “Нийгмийн даатгалын багц хуулийн төслийг танилцуулах санал авах цахим, танхим хосолсон уулзалт" зохион байгуулна. Утас: 99149240

10.00 цагт: Төрийн ордны баруун хаалга: Монголын Төмөр Замчдын Үйлдвэрчний Эвлэлийн холбооноос “Шаардлага” хүргүүлэх тухай мэдэгдэл хийнэ. Холбогдох утас: 86110009, 86112120

11:00 цагт: Авлигатай тэмцэх газарт - "Уул Уурхайгүй Хөвсгөл" ТББ-аас Хөвсгөлийн Могойн гол ХК-ийн удирдлагууд болон нэр бүхий найман хүнийг нүүрсний хулгайн асуудлаар АТГ-т шалгуулж байгаа тухай мэдээлэл хийнэ. Утас: 88090119

11:30 цагт: “Зууны мэдээ” сонины “Үндэсний мэдээллийн төв”-д - БГД-ийн нэгдүгээр хорооны иргэн н.Нямдаржаа тус дүүргийн ИТХ шүүхийн гурван шатны шийдвэрээс давсан эрх мэдлийг хэрэгжүүлж, ялтан төлөөлөгчөөр 260 гаруй мянган иргэнийг төлөөлүүлж ял завшуулж байгаа асуудлаар мэдээлэл хийнэ.

12:00 цагт: Хуулийн төсөлд иргэдийн саналыг тусгах, УИХ-ын гишүүдийг үндсэн ажлаа хийхийг шаардаж “Иргэн бол хүч” залуусын төлөөллөөс мэдээлэл хийнэ.

12:00 цагт: Монголын үндэсний худалдаа аж үйлдвэрийн танхимд - МҮХАҮТ-ын дэргэдэх Бизнес академиас жил бүр зохион байгуулдаг "Executive summit" гүйцэтгэх удирдлагуудын уулзалт болох гэж буйтай холбоотой хэвлэлийн бага хурал зарлав.