.png){kind=logo}
Японы мэргэжлийн сумо бөхийн Токио хотноо үргэлжилж байгаа тавдугаар сарын Зуны буюу Нацү башёгийн 10 дахь өдрийн /2023.05.23/ барилдааны тоймыг та бүхэнд танилцуулж байна.
Их аварга Тэрүнофүжи Г.Ган-Эрдэнэ, 10 дахь өдрийн барилдаанд Комүсүби Котоновака-тай хүч үзэж түүнийг ёрикири мэхээр хаяснаар 9 даваа, 1 унаатай Асанояамагийн хамт энэ башёг тэргүүлж явна.
Энэ өдөр Сэкиваке Кирибаяама Б.Лхагвасүрэн, Сэкиваке Вакамотохару-тай таарч барилдан түүнийг котэнаге мэхээр давж, 8 даваа, 2 унаатай башёг үргэлжлүүлж байна.
Мөн Сэкиваке Хошёорюү С.Бямбасүрэн, Нишикифүжи /М-3/-тэй учраа таарч барилдан түүнийг цүкиотоши мэхээр хаяж 7 даваа, 3 унаатай боллоо.
Тамаваши Б.Мөнх-Оргил /М-7/, Такарафүжи /М-10/-тэй учраа таарч барилдан, түүнийг ошидаши мэхээр хаяснаар 4 даваа, 6 унаатай болоод байгаа аж.
Чиёошома Г.Мөнхсайхан /М-13/ энэ өдөр Оношо /М-9/-той барилдаж түүнийг шитатэнаге мэхээр хаяж 6 даваа, 4 унаатай башёг үргэлжлүүлж байна.
Миторюү М.Төрболд /М-16/, энэ өдөр Кагаяаки /М-17/-той барилдаж түүнд цүкидаши мэхээр ойчиж 6 унаа, 4 даваатай башёг үргэлжлүүлж байна.
Дайшохо Ч.Шижирбаяр/М-11/ энэ өдөр Таканошо /М-8/-той учраа таарч түүнийг ошидаши мэхээр давснаар 4 унаа, 6 даваатай башёг үргэлжлүүлж явна.
Харин дээд зиндаанд 2 дахь удаагаа дэвшин барилдаж байгаа Хокүсейхо Э.Даваанинж /М-11/, Мэйсей /М-6/-тэй учраа таарч түүнийг уватэнаге мэхээр давснаар 8 даваа, 2 унаатай башёг амжилттай үргэлжлүүлж явна.
