.png){kind=logo}
Өнөөдөр буюу 2023 оны 6 дугаар сарын 09-ны Баасан /Гэгээн/ гарагт болох үйл явдлын зарим мэдээллийг тоймлон та бүхэнд хүргэж байна.
08.00-09.30 цагт Удирдлагын Академид: НҮБ, Удирдлагын академи, мэдээллийн МОНЦАМЭ агентлаг хамтран зохион байгуулж буй “Монгол Улсад тогтвортой хөгжлийг хэрэгжүүлэх үр дүнтэй засаглал” үндэсний семинар 2 дахь өдөр үргэлжилнэ.
08.30-12.30 цагт “Блью Скай” зочид буудалд: “Дэлхийн худалдааны хөгжлийг дэмжих нь” сэдэвт хэлэлцүүлгийг Үндэсний итгэмжлэлийн төв, Экспортыг дэмжих төсөл, НҮБ-ын Юнидо байгууллагаас хамтран зохион байгуулж байна. Утас:9901-8945.
08.30-12.30 цагт "Улаанбаатар" зочид буудалд: Боловсролын магадлан итгэмжлэх Үндэсний зөвлөлд: “Дэлхийн магадлан итгэмжлэлийн өдөр”-ийг тохиолдуулан магадлан итгэмжлэлийн үйл ажиллагаа явуулж буй байгууллагуудын уулзалт, хэлэлцүүлэг болно. Утас: 8800-8026.
08.30 цагт МХАҮТ-д: Зам, тээврийн хөгжлийн яам, Монголын Үндэсний худалдаа, аж үйлдвэрийн танхим хамтран “Шинэ сэргэлтийн бодлого: Зам, тээврийн сэргэлт” зам, тээврийн салбарын хөрөнгө оруулалтын чуулга уулзалт болно.
09.00-09.40 цагт “Корпорэйт конвеншн” төвд: Монгол, ОХУ, БНХАУ-ын ХАҮТ-уудын чуулган үргэлжилж тээвэр логистикийн салбар хуралдаан, хэлэлцүүлэг явагдана.
09.00 цагт: Нийслэлийн Засаг даргын Тамгын газраас баригдахгүй байгаа барилгуудыг цаашид хэрхэн шийдвэрлэх талаар Нийслэлийн Засаг даргын орлогч Ж.Сандагсүрэн болон бусад албаны хүмүүс, иргэдтэй уулзаж шаардах бичиг өгч түүнтэй холбоотой асуудлыг газар дээр нь хэлэлцэнэ.
09.00 цагт Холидэй Инн зочид буудалд: Мэргэжлийн болон техникийн боловсрол, сургалт (МБСТС)-ын үндэсний хоёрдугаар форум болно. Утас: 88444121
10:00 цагт Туушин зочид буудалд: "Барилгын материалын үйлдвэрлэл, импортын бүтээгдэхүүний чанар, аюулгүй байдал" форум болно. Утас: 11-320965
12:00 цагт UG ARENA-д: Төрийн бүтээмжийн үндэсний хорооны үйл ажиллагааны хүрээнд Засгийн газрын хэрэг эрхлэх газар, Цахим хөгжил, харилцаа холбооны яамны санаачлагаар нэвтрүүлсэн Үндэсний судалгааны нэгдсэн платформын нээлт болно. Утас: 95104869
14.00 цагт Үндэсний соёл амралтын хүрээлэнд: Харилцаа холбоо, мэдээллийн технологийн “ICT EXPO 2023” өдөрлөг эхэлнэ.
