.png){kind=logo}
Өнөөдөр буюу 2 дугаар сарын 10-ны өдөр болох үйл явдлын талаар зарим мэдээллийг та бүхэнд тоймлон хүргэж байна.
09.00 цагт МУИС-ийн номын санд: “Шинэ сэргэлтийн бодлого ба цөмийн технологийн оролцоо, хэрэглээ” сэдэвт хэлэлцүүлэг болно.
09.00 цагт “Блю Скай” зочид буудалд: Нийслэлийн аялал жуулчлалын газар, Монголын Аялал жуулчлалын холбооноос “Нэг сая жуулчин хүлээн авахад бэлэн үү?” сэдвээр хэвлэлийн бага хурал зарлажээ. Утас: 8803-8882.
09.00-11.00 цагт Нийслэлийн Хангарди” ордонд: Эрүүл мэндийн сэтгүүлчдийн холбооноос Монгол Улсын Ерөнхийлөгчийн Эрүүл мэнд, спорт, нийгмийн бодлогын зөвлөх Т.Мөнхсайхан, “Эрүүл монгол хүн” үндэсний хөдөлгөөний төсөл, хөтөлбөр хариуцсан албаны дарга, доктор О.Чимэдсүрэн нартай уулзалт зохион байгуулна. Утас: 9910-6580, 8802-3206.
10:00 цагт МҮХАҮТ-д: Улаанбаатар хотын нийтийн тээвэрт туршилтаар явуулах Бүгд Найрамдах Узбекистан Улсын “Самавто” компанийн SAZ LE60 маркийн автобусыг хүлээлгэн өгөх арга хэмжээ болно.
11:30 цагт “ЗУУНЫ МЭДЭЭ” сонины Үндэсний мэдээллийн төвд: Монгол Улсын шинээр төрж байгаа хүүхдийн иргэний бүртгэлийн регистр олгодог үйл ажиллагаа сар бүрийн эцэст гацдаг ноцтой алдааны талаар болон Монгол Улсын шинээр төрж буй хүүхдийн эрх ноцтой зөрчигдөж буй асуудлыг олон нийтийн анхаарлын төвд оруулах, Хүний наймааны болзошгүй гэмт хэргээс урьдчилан сэргийлэх талаар нийслэлийн Өргөө амаржих газраас мэдээлэл хийнэ.
14:00 цагт Монголын уран зургийн галерейд: 70-аас дээш насны ахмад уран бүтээлчдэд зориулсан хүндэтгэлийн үзэсгэлэн, арга хэмжээ зохион байгуулна. Утас: 99166627, 99778237
