.png){kind=logo}
Японы мэргэжлийн сумо бөхийн 7 дугаар сарын 14-ны буюу Нагоя башёгийн 6 дахь өдрийн барилдаанд Шинэхэн Озэки Киришима /Кирибаяама/ Б.Лхагвасүрэн, Шодай /М-2/-тай таарч барилдан, түүнийг цүкиотоши мэхээр хаяснаар 2 даваа /2-2-2/-тай болоод байна.
Харин Сэкивакe Хошёорюү С.Бямбасүрэн, Мидорифүжи /М-3/-тэй учраа таарч барилдан, түүнийг сотогаке мэхээр давснаар башёг 5 даваа, 1 унаатай үргэлжлүүлж байна.
Нагоя башёгийн 6 дахь өдөр Хокүсэйхо А.Даваанинж /М-6/, Ура /М-4/-тай таарч барилдан түүнд окуридаши мэхээр унаснаар 3 даваа, 3 унаатай боллоо.
Харин Тамаваши Б.Мөнх-Оргил/М-7/, Хирадоүми /М-14/-тэй энэ өдөр таарч барилдан, түүнийг ёрикири мэхээр хаяснаар 5 даваа, 1 унаатай башёг үргэлжлүүлж явна.
Энэ өдөр Чиёошома Г.Мөнхсайхан /М-12/, Шонанноүми-тэй хүч үзэж түүнийг ёрикири мэхээр давснаар 3 даваа, 3 унаатай боллоо.
Дайшохо Ч.Шижирбаяр /М-14/, энэ өдөр Бүшёозан /М-16/-тай таарч барилдан түүнийг ёрикири мэхээр давснаар 2 даваа, 4 унаатай башёг үргэлжлүүлж байна.
Нагоя башёг тэргүүлж яваа Нишикиги /М-1/ энэ өдөр Комүсүби Аби-г ошидаши мэхээр давснаар 6 даваатай башёг ганцаараа хошуучилж явна.
