.png){kind=logo}
Монголын үндэсний олимпын хорооны байранд өчигдөр /2023.02.11/ “Олон улсын ба үндэсний спортын арбитр” ээлжит сургалт зохион байгуулав.
Монголд анх удаа байнгын ажиллагаатай “Олон улсын ба Үндэсний спортын арбитр” 2017 оны 2 сарын 07-нд байгуулагдаж, Дэлхийд 33 дахь улс болж аливаа спортын маргааныг шийдвэрлэх мэргэжлийн төрөлжсөн байгууллагатай болсон нь Монголын тамирчдын амжилт эрх ашгийг хамгаалах, эрэлт, хэрэгцээ, шаардлага зүй ёсоор тулгаран гарч буйг илтгэж байна.
Өнөөдрийн байдлаар Спортын арбитрчаар 24 хүн ажилладаг ба үүний 50 хувь нь мэргэжлийн хуульчид, 50 хувь нь спортын байгууллагын мэргэжилтэнгүүд байгаагаас Дугуйн холбооноос Ерөнхий нарийн бичгийн дарга З.Наран 2017 оны 5 сараас 15-наас тангараг өргөн ажиллаж байгаа юм.
“Олон улсын ба Үндэсний спортын арбитр” нь спортын харилцаанаас үүссэн хэрэг, маргааныг хянан шийдвэрлэх бөгөөд үүнд:
- Олон улсын ба Үндэсний хэмжээнд зохиогдож буй уралдаан тэмцээн
- Спортын байгууллага - тамирчны хооронд
- Спортын хороо, холбоо, нийгэмлэг - гишүүдийн хооронд
- Спортын хороо, холбоо, нийгэмлэг - Иргэдийн хооронд
- Дасгалжуулагч - Спортын байгууллагын хооронд
- Тамирчин - Эмчийн хооронд
- Тамирчин - Шүүгч, Тамирчин - Дасгалжуулагч, Тамирчин - Тамирчин, мэргэжлийн болон өндөр зэрэглэлийн гадаадын тамирчин ба бусад.
Сургалтанд анхны эрх авсан арбитрчид, шинээр арбитрчийн эрх авахаар сонгогдсон нэр дэвшигчид, хуульчид, спортын салбарын төлөөлөл, допингийн үйл ажиллагаа эрхэлсэн салбарын төлөөлөлүүд оролцов.
Сургалтаар Олон улсын ба Үндэсний Спортын арбитрын Удирдах зөвлөлийн 2022.02.07-ны өдрийн хуралдаанаар батлагдсан Арбитрын дүрэм, Хэрэг хянан шийдвэрлэх ажиллагааны дүрэм, Зардлын журмын хүрээнд арбитрчын ажиллах дүрэм, журам, Арбитрын ёс зүйн талаар мэдлэг мэдээлэл авч, цаашид хэрхэн ажиллах талаар суралцлаа.
Цаашид бүтцийн хувьд шинэчлэгдэж үйл ажиллагааны чиглэл Спортын болон Допингийн арбитрч гэж ажиллах болсоныг уламжиллаа.
“Монголын спортын байгууллага болон тамирчдын эрх ашиг, амжилтыг шударгаар хамгаалахын төлөө зүтгэе!"
