.png){kind=logo}
Монголын боксын XX зууны манлай дасгалжуулагч, Монгол Улсын гавьяат дасгалжуулагч В.Батбаяр багшийн нэрэмжит Монгол Улсын боксын насанд хүрэгчдийн 2023 оны УАШТ-ий эрэгтэйчүүдийн жин тус бүрийн аваргууд өнөөдөр /2023.02.12/ тодорлоо.
УАШТ-ий эрэгтэйчүүдийн 48 кг жинд О.Өнөболд Монгол Улсын 8 удаагийн аварга ОУХМ Г.Ган-Эрдэнийг 3:2-оор ялснаар насанд хүрэгчдийн улсын аварга шалгаруулах тэмцээнд анх удаагаа түрүүллээ.
Эрэгтэйчүүдийн 51 кг жинд ОУХМ Х.Энхмандах, Д.Даваадоржийг 5:0 харьцаатай ялж Насанд хүрэгчдийн улсын аварга шалгаруулах тэмцээнд 5 дахь удаагаа түрүүллээ.
УАШТ эрэгтэйчүүдийн 54 кг жинд залуу мастер Д.Ганболд, Х.Билгүүнсайхан нар тулаан хийж 4:1-ээр Д.Ганболд ялалт байгуулж Насанд хүрэгчдийн улсын аварга шалгаруулах тэмцээний хошой аварга боллоо.
Эрэгтэйчүүдийн 57 кг жинд ОУХМ Х.Энх-Амар, залуу мастер Г.Лундаа нар аваргын төлөө тулалдаж 4:1-ээр ур чадвар% туршлагаар илүүрхэж Хархүүгийн Энх-Амар ялалт байгуулж Насанд хүрэгчдийн улсын аварга шалгаруулах тэмцээнд 10 дахь удаагаа түрүүллээ.
УАШТ эрэгтэйчүүдийн 60 кг жинд Т.Энхтөр, түрүү жилийн улсын аварга Б.Буяндалай нар 2023 оны аваргын төлөө тулалдаж 4:1-ээр Т.Энхтөр ялалт байгуулж Насанд хүрэгчдийн улсын аварга шалгаруулах тэмцээнд анх удаагаа түрүүллээ.
УАШТ-ий эрэгтэйчүүдийн 63.5 кг жинд Армийн дэлхийн аварга Б.Чинзориг, Б.Төгөлдөр нар учраа тааран тулалдаж 3:2-оор хашир туршлагатай тамирчин Б.Чинзориг сүүлийн раунд илүүрхэж ялалт байгуулснаар Насанд хүрэгчдийн улсын аварга шалгаруулах тэмцээнд 11 дэх удаагаа түрүүллээ.
УАШТ-ий эрэгтэйчүүдийн 67 кг жинд ОУХМ Б.Мишээлт, Т.Буяндорж нар аваргын төлөө тулалдаж өрсөлдөгч тамирчны дасгалжуулагч татгалзсанаар Б.Мишээлт ялалт байгуулж Насанд хүрэгчдийн улсын аварга шалгаруулах тэмцээнд 4 дэх удаагаа түрүүллээ.
УАШТ эрэгтэйчүүдийн 71 кг-д ОУХМ О.Бямба-Эрдэнэ, С.Жавхланбаяр нар тулалдаж 5:0-ээр О.Бямба-Эрдэнэ туршлагаар илүүрхэн ялалт байгуулж Насанд хүрэгчдийн улсын аварга шалгаруулах тэмцээнд 5 дахь удаагаа түрүүллээ.
УАШТ эрэгтэйчүүдийн 75 кг жинд Ж.Отгонжаргал, А.Жандос нар тулалдаж хажуугийн шүүгчдийн санал нэгтэй шийдвэрээр Ж.Отгонжаргал ялалт байгуулж Насанд хүрэгчдийн улсын аварга шалгаруулах тэмцээнд 5 дахь удаагаа түрүүлж байна.
УАШТ-ий эрэгтэйчүүдийн 80 кг жинд Г.Далай, Д.Батсүмбэрэл нар тулалдаж өрсөлдөгч тамирчны дасгалжуулагч татгалзсанаар Г.Далай ялалт байгуулж Насанд хүрэгчдийн улсын аварга шалгаруулах тэмцээнд 2 дахь удаагаа түрүүллээ.
УАШТ-ий эрэгтэйчүүдийн 86 кг жинд П.Мягмарбат, Н.Отгонболд нар тулалдаж 3:2-оор П.Мягмарбат ялалт байгуулж Насанд хүрэгчдийн улсын аварга шалгаруулах тэмцээнд 2 дахь удаагаа түрүүллээ.
УАШТ-ий эрэгтэйчүүдийн -92 кг-д Д.Барихаан, О.Энхжин нар алтан медалийн төлөө тулалдаж өрсөлдөгч тамирчны дасгалжуулагч татгалзсанаар Д.Барихаан ялалт байгуулж Насанд хүрэгчдийн улсын аварга шалгаруулах тэмцээнд анх удаагаа түрүүллээ
УАШТ эрэгтэйчүүдийн хамгийн хүнд жин +92 кг-д Х.Бекнур, Т.Ерболат нар аваргын төлөө хүч ур чадвараа сорьж 4:1-ээр Х.Бекнур ялалт байгуулж Насанд хүрэгчдийн улсын аварга шалгаруулах тэмцээнд анх удаагаа түрүүллээ.
