.png){kind=logo}
Өнөөдөр буюу 2 дугаар сарын 15-ны өдөр болох үйл явдлын талаар зарим мэдээллийг та бүхэнд тоймлон хүргэж байна.
09:00 цагт Төрийн ордонд: “Зөвлөлдөж шийдье” улсын хэмжээний зөвлөлдөх санал асуулгын хоёр дахь шатны зөвлөлдөх уулзалт үргэлжилнэ.
09:00 цагт Шангрилла зочид буудалд: Монгол Улсын Засгийн газраас 2023 - 2025 оныг Монголд зочлох жил болгон зарласантай холбогдуулан Ерөнхий сайдаар ахлуулсан аялал жуулчлалыг хөгжүүлэх үндэсний хорооноос хөрш орон болон хил орчмын аялал жуулчлалыг хөгжүүлэх ажлын хүрээнд Монгол-Орос тур оператор компаниудын хамтарсан форумыг зохион байгуулна. Утас: 88038882
09:00 цагт Улаанбаатар чуулгын байранд: Нийслэлийн Прокурорын газраас Монгол Улсын Хөгжлийн банкны хэрэгт холбогдуулан нэр бүхий 80 хүн, 4 хуулийн этгээдэд эрүүгийн хэрэг үүсгэж яллагдагчаар татан яллах дүгнэлт үйлдэж шүүхэд ирүүлсэн эрүүгийн хэргийн шүүхийн урьдчилсан хэлэлцүүлгийн хуралдаан болно.
11:00 цагт “Монгол ньюс” мэдээллийн төвд: XVII жарны усан туулай жилийн өнгө, ноён нуруу, Төгс Буянт зурхайн ёсны талаар зурхайч Л.Тэрбиш мэдээлэл хийнэ.
14:30 цагт: Монгол улсын Соёлын гавьяат зүтгэлтэн, орчуулагч Гүрбазарын Амарын мэндэлсний 90 жилийн ойд зориулсан "Амар гүүшийг дурсахуй" хүндэтгэлийн өдөрлөг болно.
