.png){kind=logo}
Японы мэргэжлийн сумо бөхийн Намрын тэмцээний /2023.09.15/ 6 дахь өдрийн барилдаанд Озэки Киришима Б.Лхагвасүрэн Шодай /М-3/-тай учраа тааран барилдаж түүнийг сүкүинаге мэхээр давснаар 4 даваа, 2 унаатай башёг үргэлжлүүлж байна.
Энэ өдөр Озэки Хошёорюү С.Бямбасүрэн, Асанояама /М-2/-тай таарч барилдан, түүнийг шитатэнаге мэхээр хаяж даваа, унаа адил 3 болоод байна.
Тамаваши Б.Мөнх-Оргил /М-3/, Озэки Такакэйшо-той хүчээ сорин барилдаж, түүнд ошидаши мэхээр унаснаар энэ башёд 6 унаатай амжилт тааруухан явна.
Мөн Хокүсэйхо А.Даваанинж /М-11/, Мидорифүжи /М-9/-тэй барилдаж түүнд ёрикири мэхээр унаж 2 даваа, 4 унаатай боллоо.
Энэ өдөр Чиёошома Г.Мөнхсайхан /М-15/, Аойяама /М-14/-тай таарч барилдан түүнд цүкидаши мэхээр унаснаар 1 даваа, 5 унаатай башёг үргэлжлүүлж байна. Мөн Дайшохо Ч.Шижирбаяр /М-17/, Нишикифүжи /М-13/-тэй барилдан, түүнд ёрикири мэхээр унаснаар 2 даваа, 4 унаатай явна.
