.png){kind=logo}
Токио хотын Рёгоку Кокугикан ордонд явагдаж байгаа мэргэжлийн сүмо бөхийн 2026 оны Намрын тэмцээн буюу Аки башёгийн 3 дахь өдрийн /2026.09.15/ барилдааны тоймыг толилуулж байна.
Дээд зиндаанд анх удаа дэвшин барилдаж байгаа Дархан аварга Г.Өсөхбаярын хүү Тошинофүжи Ө.Дэмиджамц /М-16/ өнөөдөр Асасуирюү /М-15/-тэй учраа тааран барилдаж түүнийг уватэнаге мэхээр хаяснаар тэд адилхан 1 унаа, 2 даваатай боллоо.
Чиёошома Г.Мөнхсайхан/М-14/ энэ өдөр Шоннанноүми /М-17/-тэй таарч барилдан түүнийг уватэдашинаге мэхээр хаяснаар 1 даваа, 2 унаатай болоод байна.
Асахакурюү Р.Жамъянтогтох /М-12/ өнөөдөр Вакамотохару /М-14/-тай оноолт тааран барилдаж түүнд ёрикири мэхээр унаснаар 2 даваа 1 унаатай боллоо.
Ошёома П.Дэлгэрбаяр /М-5/ өнөөдөр Ичияамамото /М-6/-той учраа таарч барилдан түүнийг ошидаши мэхээр давснаар 2 даваа, 1 унаатай болоод байна.
Рога А.Амарсанаа/М-5/ энэ өдөр Асанояама /М-6/-той учраа таарч барилдан түүнийг ошидаши мэхээр давснаар 2 даваа, 1 унаатай боллоо.[U1]
Сэкиваке Фүжинокава өнөөдөр Гонояама /М-3/-тай учраа тааран барилдаж түүнийг ошидаши мэхээр давснаар тэд адил 2 даваа, 1 унаатай болов.
Сэкиваке Атамифүжи энэ өдөр Таканошо /М-4/-тэй учраа тааран барилдаж түүнд цүкиотоши мэхээр унаснаар 2 даваа, 1 унаатай болж, Таканошо 3 даваатай башёг үргэлжлүүлж байна.
Озэки Котозакүра энэ өдөр Комүсүби Дайэйшо-той хүч үзэн барилдаж түүнийг хатакикоми мэхээр давснаар 3 даваатай боллоо.
Озэки Киришима Б.Лхагвасүрэн энэ өдөр Такаясү /М-2/-тэй учраа тааран хүч үзэж түүнд цүкиотоши мэхээр унаснаар 2 даваа, 1 унаатай болов.
Харин Озэки Аонишики өнөөдөр Котошохо /М-1/-той хүчээ сорин түүнийг ваташикоми мэхээр давснаар 3 даваатай боллоо.
Их аварга Оносато өнөөдөр Котоейхо /М-1/-той барилдаж түүнийг ошидаши мэхээр хаяснаар 3 даваатай башёг үргэлжлүүлж байна
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!