.png){kind=logo}
Өнөөдөр буюу 2023 оны 11 дүгээр сарын 02-ны Пүрэв /Бадрангуй/ гарагт болох зарим үйл явдлыг тоймлон танилцуулж байна.
09.00 цагт “Чингис хаан”-ы музейд: 2024 оны төсвийн талаар СЭЗДС-ийн багш Ж.Дэлгэрсайхан, Нээлттэй нийгэм форумын Засаглалын хөтөлбөрийн менежер Д.Оюунбадам нар сэтгүүлчидтэй уулзана..
10.00-13.00 цагт НҮБ-ын байранд: “Сэтгүүлчдийн эсрэг зөрчил, сонгуулийн шударга байдал болон олон нийтийн манлайллын үүрэг” хэлэлцүүлэг болно. Хэлэлцүүлгийг “Сэтгүүлчдийн эсрэг гэмт үйлдэл ял шийтгэлгүй үлдэж буйг таслан зогсоох олон улсын өдөр”-т зориулжээ.
Өнөөдөр: Монгол Улсын Ерөнхийлөгч У.Хүрэлсүхийн Вьетнам улсад хийж буй төрийн айлчлал үргэлжилж байна.
Улаанбаатар дахь Русский дом-д: ОХУ-ын бизнес эрхлэгчдийн уламжлалт “Ворота в Азию-2023” үзэсгэлэн Монгол-Оросын бизнес эрхлэгчдийн уулзалтаар хоёр дахь өдрөө үргэлжилж байна. Утас: 9908-1347.
Өнөөдөр: УИХ-ын чуулганы нэгдсэн хуралдаан хуралдана.
Хүүхэлдэйн театрт: Улсын драмын эрдмийн театрын хамт олон В.Красногоровын “Би ч гэсэн жаргамаар байна” уянгын драмын жүжгийг тоглоно.
Ноён хутагт Данзанравжаагийн 220 жилийн ойд зориулсан яруу найргийн “Дэмчогийн эгшиг” наадмын эхний шатны яруу найрагчдыг шалгаруулж байна.
