.png){kind=logo}
Өнөөдөр буюу 2024 оны 2 дугаар сарын 23-ны Баасан /Гэгээн/ гарагт болох зарим үйл явдлыг тоймлон танилцуулж байна.
08.30-16.30 цагт АШУҮИС-д: “Эрүүл мэндийн сэтгүүл зүй ба мэдээлэл, харилцаа холбоо” сургалт уулзалт болно. Утас: 99106-580, 8802-3206.
10.00 цагт УЦУОШГ-т: БОАЖЯ-ны ээлжит хэвлэлийн бага хурал болно. Өвлийн аялал жуулчлалын 3 дугаар сарын эвент үйл ажиллагааг танилцуулж мэдээлнэ. Утас: 8803-8882.
11.30 цагт “Зууны мэдээ” сонины мэдээллийн төвд: Зуданд нэрвэгдсэн малчдад төрийн бодлого хэрэгтэй байна сэдвээр иргэдийн төлөөлөл мэдээлэл хийнэ.
11.00 цагт Монгол бөхийн өргөөнд: Аймаг, цэргийн цолтой болон залуу 256 бөхийн барилдаан болно.
12.00 цагт Дамбадаржаалин хийдэд: Рашаан булаг шанд тойрмыг ойр орчмын сүм хийдүүд хариуцан арчлан хамгаалж байх талаар Дамбадаржаалин хийд Усны газартай санамж бичиг байгуулна. Энэ хүрээнд рашаандаа хүндлэл үзүүлж ном айлдан тохижилтын ажлыг эхлүүлнэ.
14.00 цагт МУБИС-ийн номын санд: "Өнөөгийн Монгол судлалын товч" уулзалт, хэлэлцүүлэг болно. Утас: 8810-2915.
14.00 цагт “Чингис хаан”-ы музейд: ШУТИС, БНСУ-ын Гунжүгийн үндэсний их сургуулийн хамтарсан “Соёлын өвийн хадгалалт, хамгаалалтын мэргэжилтний чадавхыг бэхжүүлэх онол, практик хосолсон сургалт”-ын мэргэжилтнүүдэд олон улсын сертификат гардуулна.
Өнөөдөр: УОК, ОБЕГ-аас зудын байдлын талаар тогтмол мэдээлж байх хэвлэлийн бага хуралтай.
