.png){kind=logo}
Японы Нагоя хотноо болж буй мэргэжлийн сумо бөхийн 2024 оны 7 дугаар сарын барилдааны 6 дахь өдөр /2024.07.19/ Их аварга Тэрүнофүжи Г.Ган-Эрдэнэ, Тобизарюү /М-4/-тэй таарч барилдан, түүнийг ошидаши мэхээр давснаар 6 даваатай болж башёг тэргүүлсээр байна.
Озэки Хошёорюү С.Бямбасүрэн, Ура /М-4/-тай таарч барилдан түүнд цүкидаши мэхээр давснаар 4 даваа, 2 унаатай башёг үргэлжлүүлж явна.
Харин энэ өдөр Секиваке Киришима Б.Лхагвасүрэн, Комүсүби Хирадоүми-тэй учраа тааран барилдаж, түүнд ошидаши мэхээр унаснаар 3 даваа, 3 унаатай болоод байна.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-9/, Котошохо /М-7/-той учраа таарч барилдан, түүнд ошидаши мэхээр ойчиж, 4 даваа, 2 унаатай башёг үргэлжлүүлж байна.
Ошома П.Дэлгэрбаяр /М-9/ энэ өдөр Шодай /М-10/-тай учраа тааран барилдаж түүнд ошидаши мэхээр унаж 4 даваа, 2 унаатай болоод байна.
Котозакура нэрээр барилдахаар болсон Озэки Котоновака, Гонояама /М-3/-тай таарч барилдан түүнийг цүкиотоши мэхээр давснаар 2 унаа, 4 даваатай башёг үргэлжлүүлж байна.
Энэ өдөр Озэки Такакэйшёо, Вакамотохару /М-2/-тэй таарч барилдан түүнд окүридаши мэхээр унаснаар 2 даваа, 4 унаатай болж байна. Харин Вакамотохару-гийн хувьд унаа, даваа адил 3 боллоо.
Өнгөрсөн башёд түрүүлсэн Сэкиваке Оносато энэ өдөр Мэйсей /М-1/-тэй учраа тааран барилдаж, түүнийг ёрикири мэхээр хаяснаар 3 даваа, 3 унаатай боллоо.
Энэ өдөр Митакэүми /М-2/, Атамифүжи /М-1/-тэй таарч барилдан түүнийг ёрикири мэхээр хаяж 3 даваа, 3 унаатай болоод байна.
