Өнөөдөр: ОХУ-ын Ерөнхийлөгч В.В.Путин Монгол Улсад айлчилж байна

Өнөөдөр буюу 2024 оны 09 дүгээр сарын 03-ны Мягмар /Өлзийт/ гарагт болох зарим үйл явдлыг тоймлон танилцуулж байна.

Өнөөдөр: Халх голын байлдааны 85 жилийн ойг тэмдэглэх хүрээнд ОХУ-ын Ерөнхийлөгч В.В.Путин Монгол Улсад айлчилж байна.

11:30 цагт “Зууны мэдээ” сонины “Үндэсний мэдээллийн төв”-д: АНУ-ын Лас Вегас хотноо 2023 онд зохион байгуулсан Уран нугараачдын "УЯН" наадам 2 дахь тоглолтоо МУГЖ Ж.Эрдэнэчимэгийн санаачилгаар энэ сарын 7,8-нд “Улаанбаатар театрт” зохион байгуулна. Тус тоглолтод АНУ, Япон, Европын олон орноос мэргэжлийн уран нугараачид оролцох талаар мэдээлэл хийнэ.

19:30 цагт Д.Сүхбаатарын талбайд: А.В.Александровын нэрэмжит ОХУ-ын Зэвсэгт хүчний Эрдмийн чуулгын тоглолт болно

21:00 цагт Д.Сүхбаатарын талбайд: Үдшийн цэнгүүн болно.

Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуульд оролцохоор бүртгүүлсэн нам эвсэл болон бие даан нэр дэвшүүлэх ажил үргэлжилж байна.

Монгол Улсын Хөдөлмөрийн баатар, Ардын зураач, Төрийн соёрхолт, Урлагийн гавьяат зүтгэлтэн Н.Цүлтэмийн мэндэлсний 100 насны ойд зориулан “Монголын дүрслэх урлагт зориулсан 100 жил” тусгай үзэсгэлэн Монголын уран зургийн галерейн үзэсгэлэнгийн их танхимд есдүгээр сарын 8-ны өдрийг хүртэл үргэлжилнэ.

Чингис хаан Үндэсний музейд: Халх голын ялалтын 85 жилийн ойд зориулсан “Халх гол-85 жил” үзэсгэлэн 9 дүгээр сарын 16 хүртэл үргэлжилнэ.

“Сэтгэлийн хат–өөрчлөлтөд хөтөлсөн эмэгтэйчүүдийн түүх” гэрэл зургийн үзэсгэлэн есдүгээр сарын 18 хүртэл үргэлжилнэ.

Чингис хаан Үндэсний музейд: “Дэлхийн эмэгтэйчүүдийн чуулга уулзалт”-ын хүрээнд зохион байгуулж буй “Манлайллын 17 төрх” гэрэл зургийн үзэсгэлэн есдүгээр сарын 22 хүртэл үргэлжилнэ.