.png){kind=logo}
Токио хотноо үргэлжилж байгаа мэргэжлийн сумо бөхийн Аки башё буюу намрын тэмцээний 13 дахь өдөр Озэки Котозакура, энэ өдөр Сэкиваке Оносато-той учраа тааран барилдаж түүнд ёрикири мэхээр унаснаар 7 даваа, 6 унаатай боллоо. Харин Оносато 12 даваа, 1 унаатай Аки башёг тэргүүлж явна.
Озэки Хошёорюү С.Бямбасүрэн, Сэкивакэ Киришима Б.Лхагвасүрэнтэй таарч барилдан түүнийг кирикаэши мэхээр давснаар 7 даваа, 6 унаатай болоод байгаа бол Киришима 10 даваа 3 унаатай байна.
Хамгийн ахмад сумочдын нэг Тамаваши Б.Мөнх-Оргил /М-10/, энэ өдөр Мэйсей /М-6/-тэй таарч барилдан түүнд ошидаши мэхээр унаснаар 6 даваа, 7 унаатай боллоо.
Анх удаа Макүүчид хүчээ сорьж байгаа Онокацү Б.Чойжилсүрэн /М-14/ энэ өдөр Тамашохо /Жүрёо”3/-той учраа тааран барилдаж түүнийг ошидаши мэхээр давж 5 даваа, 8 унаатай болов.
Энэ өдөр Ошома П.Дэлгэрбаяр /М-9/, Вакатакакаге /М-7/-тэй таарч барилдан түүнд хикиотоши мэхээр ойчиж 8 даваа, 5 унаатай болоод байна.
Комүсүби Дайэйшёо, Такаясү /М-15/-тэй барилдаж түүнийг ошидаши мэхээр давснаар 8 даваа, 5 унаатай болов. Харин Такаясү 10 даваа, 3 унаатай боллоо.
Комүсүби Хирадоүми, Нишигики /М-13/-тэй барилдаж түүнд хатакикоми мэхээр унаснаар 6 даваа, 7 унаатай болоод байгаа бол Нишигики 10 даваа, 3 унаатай башёг үргэлжлүүлж байна.
Сэкиваке Аби, энэ өдөр Котошохо /М-4/-той таарч барилдан түүнийг ошидаши мэхээр давж 4 даваа, 9 унаатай боллоо.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!