.png){kind=logo}
Албани улсын нийслэл Тирана хотод чөлөөт бөхийн олимпын бус жингийн дэлхийн аварга шалгаруулах тэмцээн 10 дугаар сарын 28-31-нд болж байгаа бөгөөд гавьяат тамирчин Сүхээгийн Цэрэнчимэд мөнгөн медалийн эзэн боллоо.
Тэмцээний эмэгтэйчүүдийн 59 кг жинд ДАШТ-ий алт, мөнгөн медальт, гавьяат тамирчин С.Цэрэнчимэд алтан медалийн төлөө олимпын хошой аварга, дэлхийн гурван удаагийн алт, нэг мөнгөн медальт Японы алдарт бөх Рисако Кавайтай барилдаж, 2:4-өөр ялагдлаа.
Ийнхүү гавьяат С.Цэрэнчимэд ДАШТ-ий хоёр дахь мөнгөн медалиа хүртэж, ДАШТ-д гурав дахь медалиа гардан авлаа. Тэрбээр өмнө нь 2014 онд алт, 2015 онд мөнгөн медаль хүртэж байв. Харин Рисако Кавай ДАШТ-ий дөрөв дэх алтан медалиа хүртэж байна гэж Биеийн тамир, спортын улсын хорооноос мэдээллээ.
