.png){kind=logo}
Японы мэргэжлийн сумо бөхийн Кюүшюү башёгийн 2 дахь өдрийн /2024.11.11/ барилдаанд Озэки Хошёорюү С.Бямбасүрэн, Комүсүби Вакамотохару таарч барилдан түүнийг ошидаши мэхээр хаяснаар 2 даваатай башёг үргэлжлүүлж байна.
Харин энэ өдөр Озэки Котозакүра, Комүсүби Хирадоүми-тэй барилдаж түүнийг ёрикири мэхээр хаяснаар 2 даваатай болов
Энэ башёгоос Озэки цолтой барилдаж байгаа Оносато, Охо /М-2/-той учраа тааран барилдаж түүнийг ошитаоши мэхээр хаяснаар 2 даваатай болоод байна.
Комүсүби Шодай энэ өдөр Аби /М-3/-тай учраа таарч түүнд цүкидаши мэхээр унаснаар 2 унаатай боллоо.
Энэ өдөр Сэкивакэ Киришима Б.Лхагвасүрэн, Ура /М-2/-тай учраа тааран барилдаж, түүнд цүкиотоши мэхээр ойчиж, башёг 2 унаатай үргэлжлүүлж байна.
Сэкиваке Дайэйшёо, Вакатакакаге /М-2/-тэй барилдаж түүнд ошидаши мэхээр унаснаар 1 даваа, 1 унаатай болов.
Хамгийн ахмад сумочдын нэг Тамаваши Б.Мөнх-Оргил /М-11/, Ичияамамото /М-10/-тай таарч барилдан түүнд цүкидаши мэхээр унаснаар 1 унаа, 1 даваатай башёг үргэлжлүүлж байна.
Ошома П.Дэлгэрбаяр /М-4/ Атамифүжи /М-3/-тэй таарч барилдан түүнд ёрикири мэхээр унаснаар 2 унаатай болоод байна.
Чиёошома /М-14/, Макүүчи буюу дээд зиндаанд 2 дахь удаагаа дэвшин барилдаж буй Онокацү Батжаргалын Чойжилсүрэн /М-15/-тэй учраа таарч түүнд ёрикири мэхээр унаснаар 1 даваа, 1 унаатай болж байгаа бол Онокацү 2 даваатай башёг үргэлжлүүлж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!