.png){kind=logo}
Сүмо бөх сонирхогч та бүхэндээ Осака хотноо болж байгаа Японы мэргэжлийн сүмо бөхийн Хаврын тэмцээн буюу Хару башёгийн 9 дэх өдрийн /2026.03.16/ барилдааны тоймыг толилуулж байна.
Асахакүрюү Р.Жамъянтогтох /М-16/ өнөөдөр Кимбозан/М-16/-тай оноолт тааран барилдаж түүнийг ёрикири мэхээр хаяж 6 даваа, 3 унаатай боллоо.
Чиёошома Г.Мөнхсайхан/М-14/ энэ өдөр Фүжисэйүн/М-3/-тэй таарч барилдан түүнд ошидаши мэхээр унаж 5 даваа, 4 унаатай болоод байна.
Рога А.Амарсанаа/М-10/ энэ өдөр Тобизарюү/М-13/-тай учраа тааран барилдаж түүнд хикиотоши мэхээр унаж тэд адил 3 даваа, 6 унаатай боллоо.
Гонояама/М-10/ энэ өдөр Котоейхо /М-17/-той таарч барилдан түүнийг ошидаши мэхээр хаяж 8 даваа, 1 унаатай башёг тэргүүлэгчдийн нэг болоод байна.
Ахмад сумоч Тамаваши Б.Мөнх-Оргил/М-9/ өнөөдөр Асанояама/М-12/-тэй оноолт тааран барилдаж түүнд сүкүинаге мэхээр унаснаар 2 даваа, 7 унаатай башёг үргэлжлүүлж явна.
Ошёома П.Дэлгэрбаяр /М-7/ энэ өдөр Токихаяатэ/М-9/-тэй барилдан түүнийг уватэнаге мэхээр хаяснаар тэд адилхан 4 даваа, 5 унаатай болов.
Онокацү Б.Чойжилсүрэн /М-6/ өнөөдөр Шодай/М-8/-тай таарч барилдах байвч бэртлийн улмаас өнжсөн тул Шодай 6 даваа, 3 унаатай болов.
Сэкиваке Киришима Б.Лхагвасүрэн энэ өдөр Дайэйшёо/М-4/-той оноолт тааран барилдаж түүнийг цүкиотоши мэхээр хаяж 8 даваа, 1 унаатай болов.
Озэки Котозакүра энэ өдөр Охо/М-3/-той хүч үзэн барилдаж түүнийг ошидаши мэхээр хаяснаар 4 унаа, 5 даваатай боллоо.
Озэки Аонишики өнөөдөр Сэкиваке Такаясү барилдан түүнийг ошидаши мэхээр хаяж 4 даваа, 5 унаатай болов.
Их аварга Хоошёорюү башёгийн 6 дахь өдөр башёг тэргүүлэгчдийн нэг Таканошёо/М-4/-той учраа таарч барилдан түүнийг ёрикири мэхээр хаяснаар тэд адил 7 даваа, 2 унаатай болоод байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!