Банцүкэг зарласнаар Макүүчи зиндаанд Эзэн хааны цом хүртсэн 11 сумоч байна

Японы мэргэжлийн сүмо бөхийн холбооноос тавдугаар сарын 14-нд Токиод эхлэх Зуны тэмцээний банцүкэг зарласан бөгөөд уламжлал ёсоор Их аварга Тэрүнофүжи Г.Ган-Эрдэнэ энэ башёг манлайлан барилдана.

Мэргэжлийн сумо бөхийн 73 дахь Их аварга дөрвөн тэмцээн дараалан барилдаагүй байгаа ч энэ башёд барилдана гэж мэдэгдээд байгаа юм. Тэрбээр найм дахь түрүүгээ авахаар барилдах бөгөөд ганц ёкозүнатай 10 дахь башётой бөх сонирхогчид золгож байна. Мөн ганц Озэки цолтонтой гурван башё буюу хагас жилийг үдэж байгаа билээ.

Өнгөрсөн 3 сарын Хаврын тэмцээнд Такакэйшёо ёкозүна цол хүртэхийн төлөө барилдсан ч тэр гэмтэл авч тэмцээнийг орхисноор кадобан болсон.

Сэкивакэ нарыг тэргүүлж яваа Секивакэ Кирибаяама Б.Лхагвасүрэн 2023 нэгдүгээр сарын тэмцээнд 11 даваа, өнгөрсөн сар 12 даваатай тэргүүлсэн бөгөөд Зуны тэмцээнд 10 давахад л Озэки цолны болзол биелүүлнэ. Гэхдээ сумо бөхийн холбооны шийдвэр л эцсийн хариулт болох юм. Харин барууны Сэкивакэ цолтон Хошёорюү С. Бямбасүрэнгийн хувьд энэ башёд 10-аас дээш давж, Озэки цолны төлөө дайралт хийх эхлүүлэх хариуцлагатай тэмцээн юм.

Мөн Сэкивакэ Дайэйшёо ч Озэки цолны өрсөлдөөнд орж байгаа. Түүний сүүлийн хоёр тэмцээний даваа 22 болсон. Нэг тэмцээнд нь маэгашира байсан ч хэрэв түрүүлэх, үзүүрлэвэл холбооноос Озэки өгөх магадлал өндөр байгаа юм.

Ташрамд дуулгахад, Озэки явсан Асанояма, Сэкивакэ цолтон байсан Ичиножёо нар Нацү башёгийн банцүкэд дээд зиндаанд эргэн ирж байна. Улмаар Макүүчи буюу дээд зиндаанд Эзэн хааны цом гардаж байсан Тэрүнофүжи, Такакэйшо, Митакэүми, Кирибаяама, Вакатакакагэ, Тамаваши, Дайэйшёо, Шодай, Абэ, Ичиножёо, Асанояма гэсэн 11 сүмоч энэ банцүкэд бичигдсэн нь сумогийн бас нэг түүхэн үзүүлэлт болоод байгаа аж. Энэ башёд дөрвөн Сэкивакэ цолтон зодоглох бол Комүсүби цолтон гурав байгаа.

НАЦҮ БАШЁ - БАНЦҮКЭ

Ёкозүна Тэрүнофүжи

Озэки Такакэйшёо

Кирибаяма Сэкивакэ Хошёорюү

Дайэйшёо Сэкивакэ Вакамотохарү

Котоновака Комүсүби Вакатакакагэ

Шодай Комүсүби

Аби Маэгашира-1 Мидорифүжи

Такаясү М-2 Эндо

Тобизарюү М-3 Нишикифүжи

Үра М-4 Нишикиги

Котошёохо М-5 Кинбозан