.png){kind=logo}
"Парис олимпын аварга" төрийн бус байгууллагын тамирчдын санаачилгаар өнөөдөр "Төгс" дэвжээнд чөлөөт бөхийн тамирчдын бэлтгэл дээр "Монреаль-1976" олимпын наадмын мөнгө, ДАШТ-ий хошой алт, нэг хүрэл медальт, ХХ зууны Монгол Улсын манлай тамирчин, Хөдөлмөрийн баатар, гавьяат тамирчин Зэвэгийн Ойдовыг урьж хүндэтгэл үзүүллээ.
Монголын чөлөөт бөхийн тамирчдаас 1974 оны Стамбулын ДАШТ-ээс анхны алтан медаль хүртээд 49 жилийн хугацаа өнгөрөөд байгаа бөгөөд З.Ойдов гуай өнөөдөр уулзалтын үеэр дэлхийн анхны аваргын бүсээ авчирч тамирчдад үзүүлж үнэтэй зөвлөгөө өгч, алтан сургаалиа хайрласан юм.
"Парис олимпын аварга" ТББ-ын тамирчид Сар шинийн өмнөхөн Монголын чөлөөт бөхийн 2 дахь дэлхийн аварга, Хөдөлмөрийн баатар, гавьяат тамирчин Х.Баянмөнх аваргад хүндэтгэл үзүүлэх юм байна.
