.png){kind=logo}
Ханжоу хот /burged61.mn/. БНХАУ-ын Ханжоу хотноо 12 дахь өдрөө үргэлжилж буй Азийн XIX наадмаас Монголын буудлага спортын баг тамирчид Монголын багийн медалийн салхийг хагалж 9 дүгээр сарын 24-нд буюу тус наадмын нээлтийн маргааш өдөр 10 метрийн хийн урт буу /10 m air rifle women/-ны төрөлд эмэгтэй баг /ОУХМ Ч.Нарантуяа, ОУХМ Г.Нандинзаяа, ОУХМ О.Есүгэн/ хүрэл медаль хүртсэн билээ.
Тэгвэл өнөөдрийн байдлаар /2023.10.04/ Монгол улсын баг албан ёсоор 4 мөнгө, 8 хүрэл медаль хүртээд байна.
Тодруулбал, Мэргэн буудагчдын араас манай жүдочид 2 мөнгө / эрэгтэй -100 кг-д Б.Гончигсүрэн, 66 кг-д Ё.Басхүү/, 3 хүрэл /эрэгтэй 73 кг-д Ц.Цогтбаатар, эмэгтэй +78 кг-д А.Адъяасүрэн, 52 кг-д Л.Сосорбарам/, Мөн холимог багийн төрөлд хүрэл медаль хүртсэн.
Улмаар Монголын 3х3 сагсанбөмбөгийн эмэгтэйчүүдийн баг мөнгөн медаль, эрэгтэйчүүд хүрэл медалийн эзэд болсон билээ.
Мөн Монголын кураш бөхийн эмэгтэйчүүдийн 70 кг жинд Ц.Батцэцэг хүрэл медаль, боксын эмэгтэйчүүдийн 50 кг жинд О.Есүгэн хүрэл медаль хүртсэн бол Е спортын баг тамирчид DOTA2 төрөлд Азийн наадмын мөнгөн медалийн эзэд болсон юм.
Өнөөдөр Монгол Улсын гавьяат тамирчин, дэлхийн аваргын мөнгөн мөнгөн медальт Б.Чинзориг Азийн наадмын аваргын төлөө орой 20 цаг 15 минутаас Хятадын Тайванийн тамирчин, Ази тивийн АШТ-ий хүрэл медальт Лай Чу Ен /Lai Chu En/-тай хүчээ сорин тулалдана.
Гэрэл зургийг Ч.Ганбат /Монголын Спортын сэтгүүлчдийн холбоо/
Харин 10 дугаар сарын 7-ны 11 цаг 30 минутаас Монголын байт харвааны тамирчин ОУХМ Б.Отгонболд Азийн 19 дүгээр наадмын аваргын алтан медалийн төлөө БНХАУ-ын тамирчин Чи Шян-Шүо /Qi Xiangshuo/-той цэц мэргээ сорин өрсөлдөнө.
Гэрэл зургийг Д.Амаржаргал /Монголын Спортын сэтгүүлчдийн холбоо/
Азийн наадмаас байт харвааны төрлөөр Монголын тамирчдаас анх удаа медаль хүртэж буй Баатархуягийн Отгонболд энэ амжилтаараа "Парис-2024" зуны олимпын наадмын эрхийг авч байгаа юм.
Гэрэл зургийг Ч.Ганбат /Монголын Спортын сэтгүүлчдийн холбоо/
Мэдээллийг дэмжигч: Макс групп
