.png){kind=logo}
.jpg)
Сагсан бөмбөгийн 2025 оны Ази тивийн аварга шалгаруулах тэмцээний урьдчилсан 2 дугаар шатны хэсгийн тоглолтууд Улаанбаатар хотын UG Arena-д /2023.02.24/ болж байна.
Тус урьдчилсан шатны 1 дүгээр шатны D хэсгийн 2 дугаар байраар тус шатанд шалгарсан Монголын шигшээ баг өнөөдөр Хонконгийн шиг багийг 76:69-өөр хожлоо.
-205613-472283355.jpeg)
Тоглолтын эхнээс хувьчилсан хамгаалалт, бүтэн багийн шахалт хийж чадсаны үр дүнд 1 дүгээр үеийг 12 онооны зөрүүтэй дуусгасан нь багийн хожилд том нөлөө үзүүллээ. Тоглолтын 4 дүгээр үед Хонконгоос дутуу оноо авсан ч 3 дугаар үеийн жигд тоглолт, 1 дүгээр үеийн давуу тоглолтын ачаар хожил авлаа.
Монголын шигшээ багаас Б.Билгүүн 16 оноо, 4 самбараар багаа тэргүүлсэн бол Т.Санчир 13 оноо, 6 самбар, 3 дамжуулалт, О.Энхбаатар 11 оноо, 7 самбар, Э.Дөлгөөн 5 оноо, 10 самбараар багтаа тус болов. Э.Дөлгөөний 10 удаагийн самбараас бөмбөг авсны 7 нь довтолгооны самбар байсан нь багт 2 дахь боломжит оноог нэмсэн.
-205628-1228152629.jpeg)
Харин Хонконгийн багаас Чой Куон Цай 19, Шиу Ва Леун 17, Ка Хин Марко Леун 14 оноог тус тус авсан.
Монголын шигшээ баг маргааш 19.00 цагаас Сингапурын шигшээ багтай тоглоно. Энэ баг D хэсэгт Монголд 94:92-оор хожигдсон Малайзын шигшээ баг өнөөдөр Сингапурыг 75:69-оор хожсон билээ.
Тоон үзүүлэлт:
| Нэр | Тоглосон минут | Оноо | Самбар | Дамжуулалт | Таслалт | Блок | Нөлөө |
| Б.Билгүүн | 25:56 | 16 | 4 | 0 | 2 | 1 | 15 |
| О.Энхбаатар | 16:40 | 11 | 7 | 0 | 0 | 1 | 14 |
| Т.Санчир | 22:32 | 13 | 6 | 3 | 1 | 0 | 12 |
| М.Өлзий-Орших | 20:42 | 7 | 3 | 2 | 2 | 0 | 9 |
| Д.Дэлгэрням | 21:47 | 8 | 4 | 1 | 1 | 0 | 7 |
| А.Ананд | 26:56 | 9 | 1 | 2 | 2 | 0 | 6 |
| Э.Дөлгөөн | 31:05 | 5 | 10 | 1 | 1 | 0 | 6 |
| О.Сэргэлэн | 20:55 | 2 | 2 | 2 | 1 | 0 | 5 |
| Д.Мөнхтүвшин | 13:27 | 5 | 2 | 1 | 0 | 0 | 4 |
