.png){kind=logo}
Японы Осака хотноо мэргэжлийн сумо бөхийн гуравдугаар сарын башё буюу хаврын тэмцээний 12 дахь өдрийн /2023.03.23/ барилдааныг тоймыг та бүхэнд танилцуулж байна.
Дээд зиндаанд анх удаа дэвшин барилдаж байгаа Хокүсейхо Э.Даваанинж /М-15/, өнөөдөр Такарафүжи /М-12/-тэй учраа тааран барилдан түүнд ёрикири мэхээр унаснаар 7 даваа, 5 унаатай болоод байна.
Миторюү М.Төрболд /М-17/ энэ өдөр Кинбозан/М-14/-тай барилдаж түүнд ёрикири мэхээр ойчиж даваа, унаа адилхан 6 болоод байна.
Азүмарюү С.Тодбилэг Цурүгишо /М-16/-той таарч барилдан, түүнийг ёрикири мэхээр хаяж 10 унаа, 2 даваатай боллоо.
Чиёошома Г.Мөнхсайхан /М-16/, Таканошо /М-11/-той учраа таарч хүч үзэн түүнд котонаге мэхээр унаж 8 даваа, 4 унаатай башёг үргэлжлүүлж байна.
Мэргэжлийн сумо бөхийн хаврын тэмцээний 12 дахь өдөр /2023.03.23/ Тамаваши Б.Мөнх-Оргил /М-1/, Нишикиги /М-3/-тэй таарч барилдан түүнд ёрикири мэхээр унаснаар энэ башёг 3 даваа, 9 унаатай үргэлжлүүлж явна.
Энэ өдөр Секивакэ Кирибаяама Б.Лхагвасүрэн, Сэкиваке Хошёорюү С.Бямбасүрэн нар хоорондоо таарч барилдан Кирибаяама уватэнаге мэхээр 9 даваа 3 унаатай болсон Хошёорюү унаснаар 8 даваа 4 унаатай башёг үргэлжлүүлж байна.
Энэ башёг тэргүүлж яваа Мидорифүжи /М-5/ Сэкиваке Вакатакакаге-тай учраа таарч барилдан түүнд уватэдашинаге мэхээр унаснаар 2 унаа, 10 даваатай болж энэ башёг тэргүүлсэн хэвээр байна.
