.png){kind=logo}
Улаанбаатар, 2026 оны аравдугаар сарын 2 /МОНЦАМЭ/. 2026 оны 10 дугаар сарын 5-11-нд болох үйл явдлын тоймыг хүргэж байна.
Улаанбаатарт:
10 дугаар сарын 5-нд: Дэлхийн болон Монголын багш нарын өдөр.
10 дугаар сарын 5-нд: УИХ дахь намуудын бүлэг хуралдана.
10 дугаар сарын 5-нд: Дэлхийн оюутны өдөр.
10 дугаар сарын 5-нд: "Бүгд инээх дуртай" инээдмийн энтертаймент шоу тоглолт Соёлын төв өргөөнд болно.
10 дугаар сарын 6-нд: Улсын Филармонийн 55 дахь улирлын нээлтийн тоглолт Улсын Филармонийн Концертын танхимд болно.
10 дугаар сарын 6, 7-нд: УИХ дахь Байнгын хороодын хуралдаан болно.
10 дугаар сарын 6,7-нд: "Модон барын баримтат өв: Бүртгэл, хадгалалт хамгаалалт ба хүртээмж" олон улсын эрдэм шинжилгээний хурлыг Монгол Улсын Үндэсний Номын сан Солонгос Судлалын хүрээлэнтэй хамтран зохион байгуулна.
10 дугаар сарын 7-нд: Дэлхийн хөвөнгийн өдөр.
10 дугаар сарын 7-нд: Засгийн газрын ээлжит хуралдаан Төрийн ордонд болно.
10 дугаар сарын 7-нд: Ханхуур Пикчерсийн 3 дахь уран бүтээл “Овгор” уран сайхны киноны нээлтийн тусгай үзвэр Корпорэйт конвейшн төвд болно.
10 дугаар сарын 8-нд: МУСГЗ, яруу найрагч П.Нямлхагвын “Арван намрын зээргэнэ” утга уянгын цэнгүүн Монгол бөхийн өргөөнд болно.
10 дугаар сарын 8, 9-нд: УИХ-ын чуулганы нэгдсэн хуралдаан болно.
10 дугаар сарын 9-нд: Дэлхийн нүүдлийн шувуудын өдөр.
10 дугаар сарын 9-нд: Дэлхийн шуудан холбооны өдөр.
10 дугаар сарын 10-нд: Бүх нийтээр мод тарих үндэсний өдөр.
10 дугаар сарын 10-нд: “Грийн шоу” продакшны нэрэмжит барилдаан Монгол бөхийн өргөөнд болно.
10 дугаар сарын 11-нд: Нийтийн аж ахуйн үйлчилгээний өдөр.
10 дугаар сарын 11-нд: Олон улсын охидын эрхийг хамгаалах өдөр.
10 дугаар сарын 11-нд: Аймаг, цэргийн цолтны намрын улирлын нээлтийн 256 бөхийн барилдаан Монгол бөхийн өргөөнд болно.
-Үндэсний мод тарих өдрүүд 10 дугаар сарын 11-нийг хүртэл үргэлжилнэ.
Орон нутагт:
10 дугаар сарын 9-11-нд: Завхан аймгийн Улиастай суманд “Алтан намар-2026” үзэсгэлэн худалдаа, бизнес эрхлэгчдийн спортын өдөрлөг болно.
10 дугаар сарын 11-нд: Японы мэргэжлийн сумо бөхийн дээд зиндааны маэгаширагийн нэгдүгээрт эрэмбэлэгдэн барилдаж байсан Токүсэгава Б.Ганболдын нэрэмжит U-15 насны өсвөрийн сумо бөхийн УАШТ Орхон аймгийн “Хангарьд” паласт болно.
-Завхан аймагт 2026 оны хоёрдугаар ээлжийн цэрэг татлага 10 дугаар сарын 18-ныг хүртэл үргэлжилнэ.
Хилийн чанадад:
-Их Британи, Умард Ирландын Нэгдсэн Хаант Улсын Лийдс хот дахь Эзэн хааны зэвсгийн музейд “Чингис хаан: Монголчууд дэлхийг өөрчилсөн нь” олон улсын тусгай үзэсгэлэн 11 дүгээр сарын 1-нийг хүртэл гарна.
-Венецийн дүрслэх урлагийн олон улсын 61 дэх удаагийн биеннальд Монголын уран бүтээлчид “Сүлжилдээн: Хил дамнасан холбоосууд” үзэсгэлэнгээр 11 дүгээр сарын 22-ныг хүртэл оролцоно.
Эх сурвалж: МОНЦАМЭ Агентлаг Ж.Болор
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!