.png){kind=logo}
Японы Осака хотноо мэргэжлийн сумо бөхийн гуравдугаар сарын башё буюу хаврын тэмцээний 13 дахь өдрийн /2023.03.23/ барилдааны тоймыг та бүхэнд танилцуулж байна.
Дээд зиндаанд анх удаа дэвшин барилдаж байгаа Хокүсейхо Э.Даваанинж /М-15/, өнөөдөр Нишикифүжи /М-12/-тэй учраа тааран барилдан түүнд сүкүинаге мэхээр унаснаар 7 даваа, 6 унаатай болоод байна.
Миторюү М.Төрболд /М-17/ энэ өдөр Таканошо/М-11/-той барилдаж түүнийг хаткикоми мэхээр унагаж 7 даваа, 6 унаатай боллоо.
Азүмарюү С.Тодбилэг Охо /М-15/-той таарч барилдан, түүнийг окүридаши мэхээр хаяж 3 даваа 10 унаатай амжилт тун тааруухан явж байна.
Чиёошома Г.Мөнхсайхан /М-16/, Такаясү /М-7/-тай учраа таарч хүч үзэн түүнд ёрикири мэхээр унаж 8 даваа, 5 унаатай башёг үргэлжлүүлж байна.
Энэ өдөр Жүрёод барилдаж байгаа Ичиножёо /Жүрёо-3/ А.Ичинноров Макүүчид дэвшин энэ зиндааны эхний барилдааныг хийж Бүшозан /М-14/-тай хүч үзэн, түүнийг уватэнаге мэхээр давснаар 12 даваа, 1 унаатай боллоо.
Мэргэжлийн сумо бөхийн хаврын тэмцээний 13 дахь өдөр /2023.03.23/ Тамаваши Б.Мөнх-Оргил /М-1/, Котошохо /М-5/-тэй таарч барилдан түүнд хикиотоши мэхээр унаснаар энэ башёг 3 даваа, 10 унаатай үргэлжлүүлж явна.
Энэ өдөр Секивакэ Кирибаяама Б.Лхагвасүрэн, Эндо /М-6/-той таарч барилдан түүнийг окүридаши мэхээр давснаар 10 даваа 3 унаатай боллоо.
Сэкиваке Хошёорюү С.Бямбасүрэн энэ башёг тэргүүлж яваа Мидорифүжи /М-5/-тэй учраа таарч барилдан түүнийг шитатэнаге мэхээр давснаар 9 даваа, 4 унаатай болж, Мидорифүжи 10 даваа 3 унаатай болов.
Энэ өдрийн сүүлийн барилдаан башёг тэргүүлэгчдийн нэг Комүсүби Котоновака, Сэкиваке Вакатакакаге-тай таарч барилдан, Вакатакакаге ошидаши мэхээр өрсөлдөгчөө давж 7 дахь даваагаа авсан бол Котоновака 4 унаатай болж тэргүүлэгчдийн эгнээнээс ухарлаа.
