Өнөөдөр: “Нүүдэл-999” шатрын анхдугаар тэмцээнийг зохион байгуулна

Өнөөдөр буюу 2025 оны 4 дүгээр сарын 24-ний Пүрэв /Бадрангуй/ гарагт болох зарим үйл явдлыг тоймлон танилцуулж байна.

Өнөөдөр: Олон улсын дархлаажуулалтын долоо хоног тохиож байна

10:00 цагт Төрийн ордонд: УИХ-ын чуулганы нэгдсэн хуралдаан болно.

10:00 цагт ГХЯ-нд: Монгол Улсын Ерөнхийлөгчийн санаачилсан “Цагаан алт” үндэсний хөдөлгөөний хүрээнд олон улсын байгууллагуудтай хамтран ажиллах, санал солилцох, зөвлөлдөх уулзалт болно.

11:00 цагт: ЭМЯ, ДЭМБ, НҮБ-ын Хүүхдийн сангаас дэлхийн дархлаажуулалтын долоо хоногийн хүрээнд сэтгүүлчидтэй уулзана.

11:30 цагт Д.Сүхбаатарын талбай асарт: “Нүүдэл-999” шатрын анхдугаар тэмцээний нээлт болно.

12:00 цагт "Зууны мэдээ" сонины Үндэсний мэдээллийн төвд: Тамирчдын холбооноос Монголын хөл бөмбөгийн холбооны талаар мэдээлэл өгнө.

12:30 цагт Гандантэгчинлэн хийдэд: гурав дахь жилдээ айлдаж буй Ганжуурын эш лүн ном айлдварын талаар мэдээлэл өгнө. Холбогдох утас: 90905875

14:30 цагт Сэнтрал тауэрт: "Улаанбаатар В2В-Хөрөнгө оруулалт-ЖДҮ-Level up" бизнес уулзалт болно. Холбогдох утас: 99995605

18:00 цагт Рамада зочид буудалд: Солонгос сургууль төгсөгчдийн холбооноос төгсөгчдийнхөө идэвх оролцоог нэмэгдүүлэх зорилгоор хамтран ажиллах уулзалт, хэлэлцүүлгийг зохион байгуулна.

Өнөөдөр "Холидэй Инн" зочид буудалд: Монголын шатрын холбоо болон Азийн шатрын холбоо хамтран зохион байгуулж буй Ази тивийн 3.3 бүсийн аварга шалгаруулах тэмцээн үргэлжилж байна.

Сүхбаатар хотноо: Сэлэнгэ аймгийн Газар тариалангийн салбарын зөвлөгөөн, "АТАР IV" тариалангийн тогтвортой хөгжлийн аяны нээлт болно.

-Япон Улсын “Осака Кансай”-д үргэлжилж буй “Дэлхийн экспо-2025” Монгол Улсаас 10 гаруй компани оролцож байна..