.png){kind=logo}
Японы Токио хотноо болж буй мэргэжлийн сумо бөхийн 2024 оны Зуны буюу Нацү башёгийн 6 дахь өдөр /2023.05.16/ Озэки Хошёорюү С.Бямбасүрэн,Тобизарюү /М-3/-тэй таарч барилдан түүнийг ёрикири мэхээр давснаар 4 даваа, 2 унаатай башёг үргэлжлүүлж явна.
Харин Озэки Киришима Б.Лхагвасүрэн, Охо /М-4/-той учраа тааран барилдаж, түүнд хикиотоши мэхээр унаснаар 5 унаа, 1 даваатай башёг амжилт тун тааруухан үргэлжлүүлж байна.
Энэ башёгаас эхлээд Котозакура нэрээр барилдахаар болсон Озэки Котоновака, Комүсүби Оносато-той таарч барилдан түүнд ёрикири мэхээр унаж, 2 унаа 4 даваатай болсон бол Оносато 1 унаа, 5 даваатай боллоо.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-9/, Кинбозан /М-10/-тай учраа тааран барилдаж түүнд ошидаши мэхээр унаж 2 даваа, 4 унаатай болоод байна.
Энэ өдөр Миторюү Б.Төрболд /М-13/, Хокүтофүжи /М-11/-тэй учраа таарч барилдан түүнд ошидаши мэхээр ойчиж ганц даваа, 5 унаатай башёг үргэлжлүүлж явна.
Оошёома П.Дэлгэрбаяр /М-14/ энэ өдөр Такарафүжи /М-16/-тэй учраа тааран хүч үзэж түүнийг хатакикоми мэхээр хаяж 5 даваа, ганц унаатай башёг үргэлжлүүлж байна.
