.png){kind=logo}
Японы Токио хотноо болж буй мэргэжлийн сумо бөхийн 2024 оны Зуны буюу Нацү башёгийн 8 дахь өдөр /2023.05.19/ Озэки Хошёорюү С.Бямбасүрэн, Ура /М-4/-тай таарч барилдан түүнийг ёритаоши мэхээр давснаар 5 даваа, 3 унаатай башёг үргэлжлүүлж явна.
Харин Озэки Киришима Б.Лхагвасүрэн бэртлийн улмаас 7 дахь өдрийн барилдаанаас башёг орхисон билээ.
Энэ башёгаас эхлээд Котозакура нэрээр барилдахаар болсон Озэки Котоновака, Охо /М-4/-той таарч барилдан түүнийг ошидаши мэхээр хаяж, 2 унаа 6 даваатай боллоо.
Комүсүби Оносато энэ өдөр Дайэйшо /М-1/-той таарч барилдан түүнийг хатакикоми мэхээр хаяж 7 даваа, 1 унаатай байгаа бол Дайэйшо 6 даваа, 2 унаатай башёг үргэлжлүүлж байна.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-9/, Мидорифүжи /М-6/-тэй учраа тааран барилдаж түүнд катасукаши мэхээр унаж 2 даваа, 6 унаатай болоод байна.
Энэ өдөр Миторюү Б.Төрболд /М-13/, Саданоүми /М-11/-тэй учраа таарч барилдан түүнд ошидаши мэхээр ойчиж ганц даваа, 7 унаатай башёг үргэлжлүүлж явна.
Оошёома П.Дэлгэрбаяр /М-14/ энэ өдөр Цуругишо /М-17/-тэй учраа тааран хүч үзэж түүнд ёрикири мэхээр унаж 5 даваа, 3 унаатай башёг үргэлжлүүлж байна.
