.png){kind=logo}
Чингэлтэй дүүргийн “Хүүхэд хөгжлийн цогцолбор” УТҮГ-аас хүүхэд залуусыг номтой нөхөрлүүлэх, номоор дамжуулан танин мэдэхүйн мэдлэг мэдээлэл олгох зорилгоор “Чингэлтэйн номын баяр” үйл ажиллагааг 2 дахь жилдээ амжилттай зохион байгуулж, нийт 7 сургууль, 3 цэцэрлэгийн давхардсан 2600 хүүхэд залуус, эцэг эх, иргэд номын баярын үйл ажиллагаанд оролцлоо.
Оюунлаг Монгол хүүхэд уриан дор зохион байгуулагдсан “Чингэлтэйн номын баяр-2024” үйл ажиллагаа нь уншигч хүүхэд залууст зориулсан урлагийн тоглолтоор эхэлж, алиалагчийн үзүүлбэр, үзэгчдийн дундах танин мэдэхүйн асуулт хариултын АХА тэмцээн, хөгжөөнт тоглоом зэргээр 2 удаагийн давтамжтайгаар үргэлжилж, ахлах ангийн сурагчдын дунд нээлттэй микрофон дууны тэмцээнийг зохион байгуулж, тус тус оролцогч идэвхтэн хүүхэд багачуудыг шагнан урамшууллаа.
Мөн номын баярт хүрэлцэн ирсэн хүүхэд залууст нүүр будах үйлчилгээ, дүрслэх урлагийн дугуйлан зэрэг үйлчилгээг үнэ төлбөргүй үзүүллээ.
Хос бичигтэн болох бүх нийтээр монгол бичигт шилжих бэлтгэлийг бүрэн хангах зорилгын хүрээнд Монгол үндэсний бичгийг сурталчлан таниулж, Бийрэн уран бичлэгийн үйлчилгээг үзүүлж, хүүхдүүд өөрийн нэр болон хүссэн үгээ бичүүлж байлаа.
Тус үйл ажиллагааг дэмжин хамтран оролцсон байгууллагууд ном, бичиг хэрэгслийн худалдаа, халуун хоол, амтат бялуу, смүүт кофетой “Номын баяр” болж өндөрлөлөө.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!