.png){kind=logo}
Үндэсний шигшээ баг болон Словакийн 2 дугаар лигийн “Комарно” клубийн довтлогч Г.Ганбаяр Туркийн онгоцны буудалд Монголынхоо шигшээ багтайгаа нэгдлээ.
Ийнхүү үндэсний шигшээ багийн 23 тамирчин бүрэн бүрэлдэхүүнээр цугласнаар энэ сарын 25-нд Гүржийн шигшээ багийн эсрэг тоглох Монголын хөлбөмбөгийн үндэсний шигшээ баг бэлэн боллоо. Нийт 23 тамирчин, 4 дасгалжуулагч, багийн менежер, эмч, албаны хүмүүс гэсэн 31 хүний бүрэлдэхүүнтэй Гүржийн Батуми хотод очиж байна.
Гүржийн Батуми хотын “Ажарабет Арена” стадионд энэ сарын 25-нд Монголын хөлбөмбөгийн шигшээ баг Гүржийн шигшээ багтай хийх нөхөрсөг тоглолт болно. Гүржийн шигшээ Монголын шигшээ багтай тоглосны дараа Норвегийн шигшээтэй тоглоно. Энэ нь Европын АШТ-ий урьдчилсан хэсгийн тоглолт бөгөөд багийг Францын алдарт хөлбөмбөгч Вилли Саньоль удирдаж байгаа юм.
Гүржийн хөлбөмбөг 10-аад жил уналтанд ороод байсан бөгөөд сүүлийн жилүүдэд авъяаслаг шинэ залуу хөлбөмбөгчид олноор төрөн гарч ирснээр шигшээ багийн тоглолт нь сайжирч Дэлхийн чансааны 78-д эрэмбэлэгддэг.
Гүржийн шигшээ багийн бүрэлдэхүүн
Хаалгачид: Гиорги Лориа (“Анортосис” Кипр), Георгий Мамардашвили (“Валенсиа” Испани), Лука Гугешашвили (“Карабах” Азербайжан).
Хамгаалагчид: Гурам Кашиа ("Слован Братислав" Словак), Отар Какабазе ("Краков" Польш), Давид Хочолава ("Копенгаген" Дани), Соломон Кверквелиа ("Нефтчи Баку"Азербайжан), Ираклий Азаров ("Црвена Звезда" Серб), Георгий Гохолеишвили ("Шахтёр Донецк" Украин), Жимми Табизе ("Динамо Тбилиси"), Саба Сазонов ("Динамо Москва" ОХУ), Лаша Двали ("Апоэль, Кипр) , Георгий Цитаишвили ("Лех Познань" Польш)
Хагас хамгаалагчид болон довтлогчид: Ника Квеквескири ("Лех Познань” Польш), Анзор Меквабишвили ("Динамо Тбилиси"), Лука Гагнизе ("Динамо Москва" ОХУ), Георгий Абуржаниа ("Жил Висенте" Португал), Георгий Чакветазе ("Слован Братислав" Словак). Саба Лобжанизе ("Фатих Карагумрук" Турк), Зурико Давиташвили ("Бордо" Франц), Хвича Кварацхелиа ("Наполи" Итали), Георгий Микутазе ("Мец" Франц) , Давид Волков ("Сабах"Азербайжан), Георгий Беризе ("Анкарагужу" Турк), Буду Зивзивазе ("Карлсруэ" Герман).
Монголын шигшээ багийн бүрэлдэхүүн
Хаалгачид: Э.Мөнх-Эрдэнэ (“Улаанбаатар”), Х.Цэнгүүн (“Улаанбаатар Сити”), С.Батмагнай (“Дэрэн”)
Хамгаалагчид: О.Мөнх-Оргил, Н.Хашчулуун, Т.Дөлгөөн (бүгд “Дэрэн”), Г.Бат-Оргил, О.Оюунбаатар, Э.Өнөр-Эрдэнэ (бүгд “Улаанбаатар”), Г.Билгүүн (“Хаан хүнс-Эрчим”), П.Баярцэнгэл (“Ховд”)
Хагас хамгаалагч: А.Тэмүүжин, Г.Буяннэмэх (хоёул “Ховд”), Б.Батмөнх, А.Дөлгөөн (хоёул “Дэрэн”), Б.Балжинням, П.Ууганбаяр (хоёул “Улаанбаатар”), Х.Цэнд-Аюуш (“Төв Азарганууд”), А.Нармандах (“Булган СП Фалконс”),
Довтлогчид: О.Мижиддорж (“Улаанбаатар”), Г.Ганбаяр (“Комарно” Словак), У.Тэмүүлэн (“Дэрэн”), Б.Намсрай (“Улаанбаатар Сити”)
