.png){kind=logo}
Өнөөдөр буюу 2026 оны 4 дүгээр сарын 27-ны Даваа /Саран/ гарагт болох зарим үйл явдлыг тоймлон танилцуулж байна.
10:00 цагт Төрийн ордонд: УИХ дахь намуудын бүлэг хуралдана.
10:00 цагт ШУА-ийн Олон улс судлалын хүрээлэнгийн хурлын танхимд: “Евразийн эдийн засгийн холбоо ба Монгол Улс: Боломж, сорилт” хэлэлцүүлэг болно.
10:30 цагт ШУТИС-ийн I байрны Урлаг зааланд: “Ирээдүйн инженерүүд 2026” улсын олимпиадын шилдгүүдэд шагнал гардуулах ёслол болно.
11:00 цагт Д.Сүхбаатарын талбайд: Хууль зүй, дотоод хэргийн салбарын “Нээлттэй хаалганы өдөрлөг” -ийн нээлт болно.
МУЭ-ийн Арт галерейд: Зураач Л.Амарсанаагийн “FIFTY” уран бүтээлийн үзэсгэлэн энэ сарын 30-ныг хүртэл гарна.
“Hue арт” галерейд: МУЭ-ийн гишүүн, зураач Ц.Соёлмаагийн “Зэрэглээн цаана” үзэсгэлэн 5 дугаар сарын 16-ныг хүртэл гарна.
Улаанбаатар дахь Хятадын соёлын төвд: “Уран бүтээлийн хур-Олон улсын хятад хэлний өдөр” сэдэвт орчин үеийн хятадын уран бичлэг, дүрслэх урлагийн шилдэг уран бүтээлчдийн үзэсгэлэн 5 дугаар сарын 20-ныг хүртэл гарна.
Архангай аймагт: “Түмэн шувуут” компани шинэ салбараа нээнэ.
Завхан аймагт: Хүүхдийн ардын урлаг, соёлын “Яргуй-2026” наадам болно.
Сүхбаатар хотод: Хууль зүй, дотоод хэргийн яамны харьяа байгууллагууд болон Сэлэнгэ аймгийн Гэмт хэргээс урьдчилан сэргийлэх ажлыг зохицуулах салбар зөвлөл хамтран иргэд, олон нийтэд зориулсан “Нээлттэй хаалганы өдөрлөг”-ийг хийнэ.
Австралийн Мельбурн хотноо: Жендерийн тэгш байдлын асуудлаарх “Women Deliver 2026” олон улсын бага хурал энэ сарын 30-ныг хүртэл болно.
ОХУ-ын Эрхүү хот дахь В.С.Рогалийн нэрэмжит урлагийн төвд: Орос, Монгол Улсын хооронд дипломат харилцаа үүссэний 105 жилийн ойд зориулсан “Монгол орон Эрхүүгийн зураачдын нүдээр” уран бүтээлийн үзэсгэлэн 5 дугаар сарын 28-ныг хүртэл гарна.
Москва хотын Кремлийн музейд: “Чингис хааны удмынхан: Оросууд ба даян дэлхий” үзэсгэлэн 7 дугаар сарын 19-нийг хүртэл гарна.
