.png){kind=logo}
Хөлбөмбөгийн “Пари Сен-Жермен” клуб болон Францын шигшээ багийн довтлогч Килиан Мбаппе Олон улсын хөлбөмбөгийн түүх, статистикийн холбооны дүгнэлтээр Европын 2022 оны шилдэг хөлбөмбөгчин болсныг IFFHS сайтад мэдээлжээ.
Тэрээр Катарт болсон дэлхийн аварга шалгаруулах тэмцээнд 8 бөмбөг оруулж, түүнчилэн уг тэмцээний шилдэг довтлогч болсон билээ. Шувтаргын тоглолтод тэр 3 гоол оруулсан юм. ДАШТ-ий шувтаргын тоглолтод Францын баг Аргентины шигшээ багт торгуулийн цохилтоор хожигдсон билээ.
Аргентины тоглогч Лионель Месси тэмцээний шилдэг хөлбөмбөгчнөөр тодорч, ”Алтан бөмбөг”-өөр шагнуулж, Килиан Мбаппе ДАШТ-ний шилдэг довтлогч болж “Алтан бүс” гардсан юм.
