.png){kind=logo}
Токио хотын Кокүгикан ордонд мэргэжлийн сүмо бөхийн 2026 оны Хацү башёгийн 15 дахь өдрийн /2026.01.25/ барилдаан болж Озэки Аонишики нэмэлт барилдаан хийж Атамифүжиг давснаар түрүү бөхөөр тодорч Япон эзэн хааны цомыг 2 дахь удаагаа хүртлээ.
Макүүчид анх удаа дэвшин барилдаж байгаа Асахакүрюү Р.Жамъяантогтох/М-17/ өнөөдөр Саданоүми/Жүрёо-4/-тай учраа тааран түүнийг ёрикири мэхээр хаяснаар 8 даваа, 7 унаатай гачигоши хийж башёг амжилттай дуусгаж байна.
Чиёошома Г.Мөнхсайхан /М-11/ өнөөдөр Тобизарюү/М-13/-тэй оноолт тааран барилдаж түүнд ёрикири мэхээр унаж 6 даваа, 9 унаатай башёг өндөрлүүллээ.
Рога А.Амарсанаа/М-9/ энэ өдөр Томоказе/М-13/-тэй учраа тааран барилдаж түүнийг цүкиотоши мэхээр давснаар 6 даваа, 7 унаатай башёг үргэлжлүүлж явна.
Атамифүжи /М-4/ башёгийн 15 дахь өдөр Ошоүми/М-16/-тэй учраа тааран барилдаж түүнийг ёрикири мэхээр давснаар 12 даваа, 3 унаатай башёг тэргүүлж эхэллээ.
Хамгийн ахмад сумоч Тамаваши Б.Мөнх-Оргил/М-5/ энэ өдөр Ура/М-2/-тай барилдаж түүнд хикиотоши мэхээр унаснаар 5 даваа, 10 унаатай башёг өндөрлүүлж байна.
Ошёома П.Дэлгэрбаяр /М-7/ энэ өдөр Ёшинофүжи/М-1/-тэй оноолт тааран хүч үзэж түүнд ошидаши мэхээр ойчиж 7 даваа, 8 унаатай башёг өндөрлүүллээ.
Комүсүби Вакамотохару энэ өдөр Онокацү Б.Чойжилсүрэн /М-6/-тэй учраа тааран түүнийг уватэхинери мэхээр давснаар 8 даваатай болж, Онокацү339 7 даваа, 8 унаатай башёг дуусгаж байна.
Сэкиваке Такаясү өнөөдөр Чураноүми/М-5/-тэй оноолт тааран барилдаж түүнийг уватэнаге мэхээр хаяж 8 даваа, 5 унаатай болсон бол Чураноүми 9 даваа, 6 унаатай боллоо.
Сэкиваке Киришима Б.Лхагвасүрэн, Аби/М-12/-тэй оноолт тааран барилдаж Киришима цүкиотоши мэхээр өрсөлдөгчөө давснаар 4 унаа, 10 даваатай болоод байна.
Хацү башёгийн 15 дахь өдрийн барилдаанд Озэки Аонишики, Озэки Котозакүра-тай таарч барилдан түүнийг ёрикири мэхээр давснаар 12 даваа, 3 унаатай болсноор Хацү башёгийн аваргын төлөө Атамифүжитэй нэмэлт барилдаан хийхээр боллоо. Харин Котозакүра 8 даваа 7 унаатай энэ башёг дуусгаж байна.
Их аварга Хоошёорюү, Их аварга Ооносато нар башёгийн 15 дахь өдөр учраа таарч түүнийг ёрикири мэхээр давснаар тэд адилхан 10 даваа 5 унаатай энэ башёг өндөрлүүлж байна.
Улмаар нэмэлт барилдаанд Озэки Аонишики, Атамифүжи/М-4/-г кубинаге мэхээр итгэл төгс давж түрүүг авч Японы эзэн хааны цомын эзэн боллоо.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!