.png){kind=logo}
Сүмо бөх сонирхогч та бүхэндээ Осака хотноо болж байгаа Японы мэргэжлийн сүмо бөхийн Хаврын тэмцээн буюу Хару башёгийн 5 дахь өдрийн /2026.03.12/ барилдааны тоймыг толилуулж байна.
Чиёошома Г.Мөнхсайхан/М-14/ өнөөдөр Фүжирёога/М-17/-тай оноолт тааран барилдаж түүнд ошитаоши мэхээр унаж 2 даваа, 3 унаатай болов.
Асахакүрюү Р.Жамъянтогтох/М-16/ башёгийн 5 дахь өдөр Тобизарюү/М-13/-тэй учраа тааран түүнийг ёрикири мэхээр давснаар 4 даваа, 1 унаатай башёг үргэлжлүүлж байна.
Рога А.Амарсанаа/М-10/ энэ өдөр Асакорюү/М-9/-тэй учраа тааран барилдаж түүнд ошидаши мэхээр унаж 2 даваа, 3 унаатай боллоо.
Ахмад сумоч Тамаваши Б.Мөнх-Оргил/М-9/ өнөөдөр Ура/М-8/-тай оноолт тааран барилдаж түүнийг цүкидаши мэхээр давснаар 1 даваа, 4 унаатай башёг үргэлжлүүлж явна.
Ташрамд дуулгахад, өнөөдөр Тамаваши Б.Мөнх-Оргил Дээд /Макүүчи/ зиндаанд дээд амжилт тогтоож байгаа /1471/ түүхэн өдөр өчигдөр байсан. Өдгөө 41 настай Тамаваши өнөөдөр 1472 дахь барилдаанаа хийж ийнхүү өрсөлдөгчөө давлаа. Энэхүү амжилтын 2 дугаарт бичигдэж буй сумоч бол Кёкүтэнхо Н.Цэвэгням юм.
Ошёома П.Дэлгэрбаяр /М-7/ энэ өдөр Шодай/М-8/-тэй таарч барилдан түүнд хикиотоши мэхээр унаж 2 даваа, 3 унаатай боллоо.
Хоёр өдөр өнжсөн Онокацү Б.Чойжилсүрэн /М-6/ өнөөдөр дахин дэвжээнд гарч Таканошёо/М-4/-той барилдан түүнд цүкиотоши мэхээр ойчиж 3 унаатай /0-3-2/ болов. Таканошёо 5 даваатай башёг тэргүүлж явна.
Комүсүби Атамифүжи энэ өдөр Хирадоүми/М-3/-тэй энэ өдөр хүч үзэж түүнд окүридаши мэхээр унаж 2 унаа, 3 даваатай болсон бол Хирадоүми 4 даваа, 1 унаатай болоод байна.
Сэкиваке Такаясү өнөөдөр Ёшинофүжи/М-1/-тэй хүч үзэж түүнийг ёрикири мэхээр давснаар 5 даваатай Таканошёогийн хамт башёг тэргүүлж байна. Ёшинофүжи 2 даваа, 3 унаатай байгаа.
Сэкиваке Киришима Б.Лхагвасүрэн энэ өдөр Комүсүби Вакамотохару-тай оноолт тааран барилдаж түүнийг хатакикоми мэхээр хаяж 4 даваа, 1 унаатай болов.
Озэки Котозакүра энэ өдөр Вакатакакаге /М-1/-тэй -тэй учраа тааран түүнд ёрикири мэхээр унаснаар 3 даваа, 2 унаатай болов. Харин
Озэки Аонишики өнөөдөр Фүжинокава /М-2/-тай учраа тааран барилдаж түүнийг ошидаши мэхээр хаяснаар 3 даваа, 2 унаатай башёг үргэлжлүүлж байна.
Их аварга Хоошёорюү башёгийн 5 дахь өдөр Чураноүми/М-2/-тэй таарч барилдан түүнийг сүкүинаге мэхээр хаяснаар 4 даваа, 1 унаатай болоод байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!