.png){kind=logo}
Сүмо бөх сонирхогч та бүхэндээ Осака хотноо болж байгаа Японы мэргэжлийн сүмо бөхийн Хаврын тэмцээн буюу Хару башёгийн 10 дахь өдрийн /2026.03.17/ барилдааны тоймыг толилуулж байна.
Чиёошома Г.Мөнхсайхан/М-14/ энэ өдөр Котоейхо /М-17/-той таарч барилдан түүнд шитатэнаге мэхээр унаж 5 даваа, 5 унаатай боллоо. Котоейхо 7 даваа, 3 унаатай байна.
Асахакүрюү Р.Жамъянтогтох /М-16/ өнөөдөр Ошоүми/М-11/-тай оноолт тааран барилдаж түүнийг уватэнаге мэхээр хаяж 7 даваа, 3 унаатай боллоо.
Рога А.Амарсанаа/М-10/ энэ өдөр Фүжисэйүн/М-3/-тэй учраа тааран барилдаж түүнд кирикаеши мэхээр унаж 3 даваа, 7 унаатай боллоо. Харин Фүжисэйүн 7 даваа, 3 унаатай боллоо.
Ахмад сумоч Тамаваши Б.Мөнх-Оргил/М-9/ өнөөдөр Ошёома П.Дэлгэрбаяр /М-7/-тай оноолт тааран барилдаж түүнийг ошидаши мэхээр хаяснаар 3 даваа, 7 унаатай башёг үргэлжлүүлж явна. Ошёома 4 даваа, 6 унаатай байна.
Хару башёг тэргүүлэгчдийн нэг Котошохо/М-5/ энэ өдөр Шодай/М-8/-тай учраа барилдаж түүнд ёритаоши мэхээр ойчиж 2 унаа, 8 даваатай боллоо. Харин Шодай 7 даваа, 3 унаатай болов.
Сэкиваке Киришима Б.Лхагвасүрэн энэ өдөр Таканошёо/М-4/-той оноолт тааран барилдаж түүнийг хикиотоши мэхээр хаяж 9 даваа, 1 унаатай болов. Таканошёо 7 даваа, 3 унаатай байна.
Сэкиваке Такаясү өнөөдөр Охо/М-3/-той барилдан түүнд ёрикири мэхээр унаж 6 даваа, 4 унаатай болов. Охо 4 даваатай болов.
Японы эзэн хааны хоёр удаа хүртсэн Озэки Аонишики башёгийн 10 дахь өдөр Хирадоүми /М-3/-тэй учраа тааран хүч үзэж түүнийг уватэнаге мэхээр хаяж тэд адилхан 5 даваа, 5 унаатай боллоо.
Озэки Котозакүра энэ өдөр Дайэйшёо/М-4/-той хүч үзэн барилдаж түүнийг хатакикоми мэхээр хаяснаар 4 унаа, 6 даваатай боллоо.
Их аварга Хоошёорюү башёгийн 10 дахь өдөр Комүсүби Вакамотохару-тай учраа таарч барилдан түүнийг ёритаоши мэхээр хаяснаар 8 даваа, 2 унаатай болоод байна.
