Өнөөдөр: “Хүүхдийн хөгжил, төлөвшил-2026” эрдэм шинжилгээний хурал болно

Өнөөдөр буюу 2026 оны 4 дүгээр сарын 21-ний Мягмар /Өлзийт/ гарагт болох зарим үйл явдлыг тоймлон танилцуулж байна.

Өнөөдөр: Дэлхийн бүтээлч байдал, инновацын өдөр тохиож байна.

Монгол Улсын Ерөнхийлөгч У.Хүрэлсүх Бүгд Найрамдах Казахстан Улсын Ерөнхийлөгч Касым-Жомарт Кемелевич Токаевын урилгаар тус улсад энэ сарын 20-23-нд төрийн айлчлал хийнэ.

09:00 цагт Төрийн ордонд: УИХ дахь Байнгын хороодын хуралдаан болно.

09:00 цагт Новотел зочид буудалд: “Дэлхийн хүний эрхийн төлөв байдал, Монгол дахь тусгал" хэлэлцүүлэг болно.

11:00 цагт “Монгол ньюс” мэдээллийн төвд: Дарви сумын иргэдийн төлөөлөл Говь-Алтай аймгийн нутаг, Дарвийн нуруунд “Макс групп” компанид алт олборлох 33 лиценз олгосон талаар холбогдох баримтыг илчилж мэдээлэл хийнэ.

13:00 цагт Улаанбаатар зочид буудалд: “Хүүхдийн хөгжил, төлөвшил-2026” эрдэм шинжилгээний хурал болно.

Д.Сүхбаатарын талбайд: Эрүүл мэндийг дэмжих нээллтэй хаалганы өдөрлөгийн хүрээнд урьдчилан сэргийлэх, эрт илрүүлэг болно.

Монголын Үндэсний музейд: “Алс газар сурахаар одогсод: 100” тусгай үзэсгэлэн энэ сарын 26-ныг хүртэл гарна.

Лирид солирын урсгалын оргил үе тохионо. Тэтчер сүүлт одны үлдэгдэл агаар мандалд орж ирэх бөгөөд Дэлхийн бөмбөрцгийн хойд тал хагаст харагдана.

Москва хотын Кремлийн музейд: “Чингис хааны удмынхан: Оросууд ба даян дэлхий” үзэсгэлэн 7 дугаар сарын 19-нийг хүртэл гарна.