.png){kind=logo}
Сонгинохайрхан дүүргийн Толгойт бүсэд улсын төсвийн хөрөнгө оруулалтаар усан спорт сургалтын төв, өвлийн спортын ордон, спорт цогцолбор гэсэн 3 том спортын ордон баригдаж байна.
Усан спорт сургалтын төв нь 25 метрийн урттай таван зам бүхий бассейн, боулинг, фитнессийн тоног төхөөрөмжтэй олон улсын стандартад нийцсэн орчин үеийн ордонтой болно.
Спорт цогцолбор нь 640 хүний суудалтай хөл бөмбөг, сагсан бөмбөг, газрын теннисний талбай бүхий спорт комплекс байх бол өвлийн спортын ордны бүтээн байгуулалт ашиглалтад орсноор уран гулгалт, хоккей, сноубордоор хүүхэд, залуучууд хичээллэж чөлөөт цагаа зөв боловсон өнгөрүүлэх боломжтой болох юм. Мөн усан спорт, өвлийн спортоор хичээллэж байгаа хүүхэд, залуу тамирчид олон улсын стандартад нийцсэн ордонд бэлтгэл сургуулилтаа хийх боломж бүрдэх төдийгүй өвөл, зуны олон улсын тэмцээн, олимпын наадамд оролцох түвшний тамирчдыг бэлтгэх юм байна.
